Noyabrın 7-də Zəfər Günü münasibətilə Hərbi Prokurorluqda hərbi qulluqçular və qazilərlə görüş keçirilib.
Baş prokurorun müavini – Hərbi prokuror, ədliyyə general-leytenantı Xanlar Vəliyev mərasim iştirakçılarını, bütün qaziləri və şəhid ailələrini 8 Noyabr – Zəfər Günü münasibətilə təbrik edib.
Ölkəmizin sürətli inkişafının silahlı qüvvələrin qüdrətlənməsinə də rəvac verdiyini deyən hərbi prokuror bildirib ki, son illər Prezident, müzəffər Ali Baş Komandan İlham Əliyevin yüksək diqqət və qayğısı sayəsində ordumuzun maddi-texniki bazası əhəmiyyətli dərəcədə möhkəmləndirilib.
Milli Məclisin deputatları Sabir Rüstəmxanlı, Nizami Cəfərov, Azər Badamov və Ceyhun Məmmədov, çıxış edən digər şəxslər Vətən müharibəsindən, müzəffər Ali Baş Komandanın rəhbərliyi ilə əldə olunan tarixi Qələbədən, eləcə də 44 günlük döyüşlərdə və antiterror tədbirlərində Hərbi Prokurorluğun özünəməxsus rolundan bəhs ediblər.
XQ