Dünən Sahibə Qafarovanın sədrliyi ilə Milli Məclisin payız sessiyasının növbəti plenar iclası keçirildi. 

Cari məsələlərdən sonra S.Qafa­rova iclasın gündəliyinə 16 məsələ daxil edildiyini diqqətə çatdırdı. Dedi ki, gündəliyin ilk 12 məsələsi üçüncü, 3 məsələsi isə ikinci oxunuşda təq­dim olunan qanun layihələridir. Komitə sədrləri ikinci oxunuşdan sonra qanun layihələri barədə komitələrə hər hansı rəy və ya təklif daxil olmadığını bildir­dilər. 

“Dövlət rüsumu haqqında” Qanuna dəyişikliyə əsasən, fiziki şəxs tərəfin­dən şəxsi istehlakı üçün Azərbaycana gətirilən mobil cihazların qeydiyyata alınmasına dövlət rüsumunun dərə­cələri azaldılacaq.

Valideyn himayəsindən məhrum ol­muş 18 yaşına çatan şəxslər üçün yeni güzəşt tətbiq olunmasına dair layihə də son oxunuşda qəbul edildi. “Sosial xidmət haqqında” Qanuna edilən dəyi­şikliyə əsasən, həmin şəxslər çətin şə­raitə düşmüş insanlar kateqoriyasına aid olunacaq və onlar da mənzil alana qədər dövlət müəssisələrində yaşayış yeri ilə təmin olunacaqlar.

Milli Məclis sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli “Yetkinlik yaşına çatmayanların baxımsızlığının və hüquq pozuntularının profilaktikası haqqında” Qanuna qəyişiklik edilmə­si haqqında sənədi birinci oxunuşda təqdim etdi. Dəyişikliyə əsasən, Azər­baycanda yetkinlik yaşına çatmayan­ları pornoqrafiya tamaşalarında iştirak etməyə cəlb edənlər, o cümlədən öz vəzifələrini üzürlü səbəblər olmadan yerinə yetirməyən valideynlər cəzalan­dırılacaqlar.

* * *

Oktyabrın 24-də Milli Məclisin Sədri Sahibə Qafarova Bakıda ke­çirilən “2023-cü il Qlobal Dayanıqlı İnkişaf Məqsədləri (DİM) Sammitinin Nəticələri və DİM-lərin həyata keçi­rilməsində ali audit qurumların rolu” adlı 3-cü DİM Dialoqunun iştirakçıla­rı ilə görüşüb.

“Dayanıqlı İnkişaf Məqsədlərinin həyata keçirilməsində Ali Audit Qu­rumlarının rolu”na dair Bakıda keçi­rilən tədbirin aktual mövzuya həsr edildiyini bildirən S.Qafarova tədbirin həm Dayanıqlı İnkişaf Məqsədlərinin reallaşdırılmasına, həm də bu au­dit qurumları arasında əməkdaşlığın gücləndirilməsinə töhfə verəcəyinə əminliyini vurğulayıb.

Görüşdə Türkiyə, Qırğızıstan, Braziliya və Belarusun Hesablama Palatalarının sədrləri Metin Yener, Almazbek Akmatov, Ualton Alenkar Rodrigez və Dmitri Basko Azərbay­canda olmalarından məmnunluqlarını ifadə ediblər. 

* * *

Korsika xalqının öz milli kimliyinin bərpa edilməsi, fundamental hüquq və azadlıqlarının təmin olunması is­tiqamətində mübarizəsinə dəstək məqsədilə Azərbaycan Respublikası Milli Məclisində yeni qrup yaradılıb.

Qrupunun məqsədi Korsika xalqı­nın haqlı tələblərinin beynəlxalq ictima­iyyətin diqqətinə çatdırılması, Fransa müstəmləkəçiliyinin dağıdıcı təsirlərinə qarşı mübarizəsi uğrunda beynəlxalq səylərin birləşdirilməsidir.

Qrupa Milli Məclisin deputatları Tu­ral Gəncəliyev, Cavanşir Feyziyev, Şa­hin İsmayılov və Azər Kərimli daxildir.

Ə.BƏDƏLOV
XQ