93 mindən çox müasir cihaz quraşdırılıb
Ölkə ərazisində indiyədək 93 min 230 ədəd yeni nəsil nəzarət-kassa aparatı (NKA) quraşdırılıb.
Dövlət Vergi Xidmətindən bildirilib ki, bu növ NKA-lardan istifadə hesablaşmaların daha şəffaf aparılmasına, malların qanunsuz dövriyyəsinin qarşısının alınmasına və dövriyyəyə nəzarətin təmin edilməsinə imkan yaradıb.
2023-cü ilin yanvar-sentyabr ayları ərzində yeni nəsil NKA-lar vasitəsilə qeydə alınan dövriyyə 16 milyard manatdan çox olub ki, bu da əvvəlki ilin müvafiq dövrünə nisbətən 15,6 faiz çoxdur.
XQ
