Dünən Bakıda Tibb Təhsili üzrə 8-ci Beynəlxalq Konfrans (International Conference on Medical Education, ICME) keçirilib. 

Dünyanın 20-dən çox ölkəsindən 300-ə yaxın xarici qonağı bir araya gə­tirən konfransda tibb təhsili sahəsinin aparıcı mütəxəssisləri iştirak edirlər.

Səhiyyə naziri Teymur Musayev qeyd edib ki, hazırda ölkədə 56 ixtisas üzrə həkim hazırlığı həyata keçirilir. Milli kadrların hazırlanmasına yönələn siyasət bu gün də davam edir. 

Elm və təhsil naziri Emin Əmrullayev isə ölkədə tibb sahəsi üzrə proqramla­rın təkmilləşdirilməsinin, təcrübə hissə­sinin artırılmasının, eyni zamanda, tibb təhsili coğrafiyasının genişlənməsinin vacibliyini vurğulayıb.

Nazir azad edilən ərazilərdə yaradı­lacaq Qarabağ Universitetinin konsep­tinin hazırlandığını da bildirib: “Univer­sitetin binası Ağdamda inşa ediləcək. İstərdik ki, orada da tibb sahəsi tədris olunsun. Bu sahədə fəaliyyət istiqamə­tində əməkdaşlığa hazırıq".

Sonra ATU-nun rektoru, professor Gəray Gəraybəyli, Dünya Tibb Təhsi­li Federasiyanın prezidenti, professor Rikardo Leon-Borkes, Birləşmiş Ərəb Əmirliklərinin Ras Al-Khaimah Tibb və Sağlamlıq Elmləri Universitetinin pre­zidenti professor İsmayıl İbrahim Ma­talka, Riphah Beynəlxalq Universite­tinin kansleri Hasan Muhammed Xan, Birləşmiş Ərəb Əmirliklərinin Gulf Uni­versitetinin kansleri professor Hossam Hamdini, Tibb Təhsili üzrə Beynəlxalq Konfransın prezidenti professor Azhar Raşid çıxış edərək konfransın əhəmiy­yətindən danışıblar.

Açılış mərasimindən sonra konfrans işini müxtəlif mövzular üzrə simpozium­larla davam etdirib.

XQ