Sentyabrın 29-da xarici işlər naziri Ceyhun Bayramov Rusiya Prezidentinin müşaviri, Prezidentin iqlim məsələləri üzrə xüsusi nümayəndəsi Ruslan Edelgeriyev ilə görüşüb.

Görüşdə Azərbaycan ilə Rusiya ara­sında mövcud əməkdaşlıq, o cümlədən ətraf mühitin qorunması sahəsində müm­kün tərəfdaşlıq perspektivləri, Azərbay­canın antiterror tədbirlərindən sonra böl­gədəki cari vəziyyət, eləcə də humanitar yardım məsələləri ətrafında fikir müba­diləsi aparılıb.

Nazir Ceyhun Bayramov, həmçinin həmsöhbətini Ermənistanın və onun ölkə­mizdə qurduğu qondarma rejimin regional sülh və təhlükəsizliyə törətdiyi çağırışlar barədə ətraflı məlumatlandırıb, Azərbay­canın beynəlxalq humanitar hüquqa tam uyğun şəkildə özünün suveren ərazisində icra etdiyi lokal antiterror tədbirlərini şərt­ləndirən səbəblərdən bəhs edib. 

Nazir Ceyhun Bayramov Azərbayca­nın Qarabağ bölgəsində yaşayan ermə­ni sakinlərin reinteqrasiyası üzrə dialoqa sadiqliyi, ölkəmizin erməni sakinlərinin ehtiyaclarının qarşılanması üçün komp­leks tədbirləri davam etdirəcəyi bir daha vurğulanıb.

XQ