Yevlaxın daha bir küçəsi əvvəlki görkəminə, yaraşığına görə rayon mərkəzini gözəlləşdirəcək. Seyid Cəfər Pişəvərinin adını daşıyan küçədə əsaslı təmir işləri başa çatdırılmaqdadır. 

Şəhərin bu küçəsi uzun müddət tə­mir olunmadığı üçün istismara yararsız hala düşmüşdü. Hazırda burada qızğın iş gedir. Köhnə asfalt örtüyü yenilənir, piyada səkiləri və yeraltı kommunikasi­ya xətləri bərpa olunur, yağış sularına qarşı barmaqlıqlar quraşdırılır, nişan­lanma xətləri çəkilir. Tikinti norma və standartlara uyğun aparılır, təmir işləri zamanı beton səki daşları çəkilir, yeni işıq dirəkləri quraşdırılır. 

Yevlaxlılar yaxşı başa düşürlər ki, xalqımızın görkəmli oğlu, Azərbaycan Demokrat Firqəsinin banisi və sədri,Gü­neydə Milli Hökumətin rəhbəri Pişəvə­rinin adı ilə bağlı kücə ona layiq olmalı­dır. Yevlaxlıların bu hüsni-rəğbəti təkcə belə amillərlə bağlı deyildir. 1947-ci ildə Yevlax rayonunun Aran qəsəbəsində müəmmalı nəqliyyat qəzasında dünya­sını dəyişən demokrat liderin ruhu bu­rada əbədiyyətə qovuşub. 

Rayonda Seyid Cəfər Pişəvərinin adı və əməli ilə bağlı nə varsa qiymət­li xatirə kimi qorunub saxlanılır. Qə­biristanlıqda onun və silahdaşlarının şərəfinə abidələr ucaldılıb, onların mü­barizəyə milli birlik, qəhrəmanlıq ruhlu tədbirlər keçirir. Pişəvəri küçəsi isə bu şəhərdə Güney sevgisinin böyüklüyünü təcəssüm etdirir.

Hüseyn RƏHİMZADƏ