Müdafiə Nazirliyinin məlumat bülleteni

Sentyabrın 19-dan başlayaraq, Azər­baycan Silahlı Qüvvələri tərəfindən Qa­rabağ iqtisadi rayonunda keçirilən lokal xarakterli antiterror tədbirləri uğurla da­vam edib. Müdafiə Nazirliyindən bildi­rilib ki, Ermənistan silahlı qüvvələrinin birləşmələrinə məxsus döyüş mövqeləri, hərbi təyinatlı avtomobillər, artilleriya və zenit-raket qurğuları, radioelektron mü­barizə stansiyaları və digər hərbi təyinatlı vasitələr zərərsizləşdirilib.

***

Ermənistan silahlı qüvvələri birləş­mələrinin strateji əhəmiyyətli yüksəkliklər­də yerləşən hərbi obyektləri və döyüş tex­nikası dəqiq atəş zərbələri ilə məhv edilib.

***

Ermənistanın bəzi sosial media he­sablarında, guya, Silahlı Qüvvələrimiz tərəfindən yenidən Xankəndi şəhərinə atəş açılması barədə yayılan məlumatlar həqiqəti əks etdirmir və dezinformasiya məqsədi daşıyır: “Yayılan bu məlumatı qəti surətdə təkzib edirik. Bir daha bildi­ririk ki, Azərbaycan Respublikası Silahlı Qüvvələrinin bölmələri yalnız legitim hər­bi obyektləri və hərbi infrastrukturu yük­sək dəqiqliyə malik silahlarla hədəfə alır və sıradan çıxarır”.

***

Sentyabrın 20-si saat 10:00 radələ­rində Ermənistan silahlı qüvvələrinin birləşmələrinə məxsus kvadrokopter Azərbaycan Ordusunun Şuşa rayonu is­tiqamətində yerləşən mövqeləri üzərində uçuşlar həyata keçirməyə cəhd göstə­rib. Bölmələrimizin sayıqlığı nəticəsində kvadrokopter aşkar edilərək xüsusi texni­ki vasitələrlə endirilib.

***

Ermənistanın bəzi sosial media he­sablarında Laçın yolu ilə Rusiya sülh­məramlı kontingentinin müşayiəti altında hərəkət edən mülki kolonun guya Silahlı Qüvvələrimiz tərəfindən atəşə tutulması barədə yayılan məlumatın heç bir əsası yoxdur və dezinformasiya xarakteri daşı­yır: “Bu əsassız iddianı qəti surətdə təkzib edirik”.

***

Sentyabrın 20-də Müdafiə Nazirliyi tərəfindən media nümayəndələri üçün növbəti brifinq keçirilib.Nazirliyin mətbuat xidmətinin rəisi polkovnik Anar Eyvazov brifinqdə çıxış edərək Azərbaycan Silahlı Qüvvələri tərəfindən Qarabağ iqtisadi ra­yonunda keçirilən lokal xarakterli antiter­ror tədbirlərinin davam etdirildiyini bildirib. O, qeyd edib ki, keçirilən tədbirlər zamanı Ermənistan silahlı qüvvələrinin birləş­mələrinə məxsus minaatan mərmisi ilə dolu 6 ədəd “Ural” markalı hərbi avtomo­bil və 4 ədəd minaatan Silahlı Qüvvələri­mizin bölmələri tərəfindən qənimət olaraq ələ keçirilib.

Ermənistanın beynəlxalq ictimaiyyət­də çaşqınlıq yaratmaq məqsədilə sosial media hesablarında kütləvi şəkildə pay­laşılan müxtəlif xarakterli dezinformasi­yalara, o cümlədən Silahlı Qüvvələrimi­zin, guya, mülki avtomobilləri, təcili tibbi yardım maşınlarını atəşə tutması barədə yaydıqları yalan məlumatlara cavab ola­raq A.Eyvazov vurğulayıb ki, bu əsassız iddiaları müasir dövrümüzdə mövcud informasiya texnologiyasından faydala­naraq sübut etmək olardı: “Belə ki, əgər qarşı tərəfin iddialarının real əsası olsa idi bununla bağlı sosial media resurslarında foto və ya videogörüntülər təqdim olu­nardı. Onu da qeyd edim ki, beynəlxalq ictimaiyyətdə yanlış fikir formalaşdırmaq məqsədilə qarşı tərəfin özləri tərəfindən planlı şəkildə bu kimi cinayətləri həyata keçirməsi və bununla Azərbaycan tərəfini ittiham etməsi ehtimalı da istisna edilmir. 

Silahlı Qüvvələrimiz tərəfindən keçi­rilən tədbirlər çərçivəsində mülki şəxslər və heç bir mülki obyekt qətiyyən hədəfə alınmır, yalnız legitim hərbi hədəflər böl­mələrimiz tərəfindən zərərsizləşdirilir.

Digər vacib bir məsələni də diqqə­tinizə çatdırmaq istəyirəm. Döyüş sur­satları tükənən Ermənistan silahlı qüv-vələrinin birləşmələri uzun müddətli for­tifikasiya qurğularını tərk edərək yaşayış məntəqələrində yenidən tərtiblənir, eyni zamanda, Qarabağ bölgəsindəki dinc əhalini məcburi qaydada silahlandıraraq döyüş mövqelərinə cəlb etməyə çalışırlar.

Bir daha Azərbaycanın Qarabağ böl­gəsində yerləşən Ermənistan silahlı qüv­vələrinin birləşmələrini silahı yerə qoyma­ğa və təslim olmağa çağırırıq və bildiririk ki, yalnız bu halda antiterror tədbirləri da­yandırılacaq.

Eyni zamanda, bölgədə yaşayan erməni sakinlərinə Ermənistan silahlı qüvvələrinin birləşmələrinə yaxın dur­mamağa və onlara dəstək olmamağa çağırırıq. Hərbi qulluqçularımız bu çağı­rışlarımızı çap edilmiş məlumat vərəqələ­rində müxtəlif vasitələrlə yerli əhaliyə və silahlılara çatdırır.

Bundan başqa, Ermənistanın bəzi so­sial media hesablarında, guya, Silahlı Qü­vvələrimiz tərəfindən erməniəsilli sakin­ləri təxliyə edən Azərbaycan ərazisində müvəqqəti yerləşdirilən Rusiya sülhmə­ramlı kontingentinə məxsus mövqenin və müşayiət etdiyi mülki kolonun atəşə tutul­ması barədə yayılan məlumatlar yalandır və dezinformasiya xarakteri daşıyır. Belə əsassız iddialara cavab olaraq bildirirəm ki, sülhməramlı kontingent ilə davamlı şəkildə operativ qaydada təmasdayıq və onların öz vəzifələrini icra etmələri üçün tərəfimizdən zəruri şərait yaradılır.

Hazırda Silahlı Qüvvələrin lokal xa­rakterli antiterror tədbirləri davam etdirilir. Mövcud şərait bölmələrimizin nəzarəti altındadır. İctimaiyyətə bundan sonra da mütəmadi olaraq əlavə məlumat verilə­cək”.

***

Ermənistanın beynəlxalq ictimaiyyət­də çaşqınlıq yaratmaq məqsədilə sosial media hesablarında kütləvi şəkildə pay­laşılan müxtəlif xarakterli dezinformasi­yalara, o cümlədən Silahlı Qüvvələrimi­zin, guya, mülki avtomobilləri, təcili tibbi yardım maşınlarını atəşə tutması barədə yaydıqları yalan məlumatlara cavab ola­raq bildirmək istəyirəm ki, bu əsassız id­diaları müasir dövrümüzdə mövcud olan informasiya texnologiyalarından fayda­lanaraq sübut etmək olar. Bunu Müdafiə Nazirliyinin mətbuat xidmətinin rəisi, pol­kovnik Anar Eyvazov deyib: “Əgər qarşı tərəfin iddialarının əsası olsa idi, hazırkı dövrə qədər bununla bağlı sosial media hesablarında foto və videogörüntülər paylaşılardı. Beynəlxalq ictimaiyyətdə yanlış fikir formalaşdırmaq məqsədilə qarşı tərəfin özləri tərəfindən planlı şəkil­də bu kimi cinayətləri həyata keçirməsi, bununla da Azərbaycanı ittiham etməsi də istisna edilmir”.

***

Hərbi qulluqçularımız çağırışlarımız çap edilmiş məlumat vərəqələrini an­titerror tədbirlərinin keçirildiyi ərazidə paylayırlar. Həmin müraciət vərəqləri iki müxtəlif tərtibdə təşkil olunub. Müraciət və çağırışlarımız səsgücləndiricilərlə həm silahlılara, həm də mülki sakinlərə çat­dırmağa çalışırlar. Müdafiə Nazirliyinin mətbuat xidmətinin rəisi, polkovnik Anar Eyvazov belə deyib.

***

Ermənistanın bəzi sosial media he­sablarında Laçın yolu ilə Rusiya sülh­məramlı kontingentinin müşayiəti altında hərəkət edən mülki kolonun, guya, Silahlı Qüvvələrimiz tərəfindən atəşə tutulması barədə yayılan məlumatın heç bir əsası yoxdur və dezinformasiya xarakteri daşı­yır: “Bu əsassız iddianı qəti surətdə təkzib edirik”.

***

Müdafiə Nazirliyi tərəfindən media nü­mayəndələri üçün növbəti brifinq keçirilib. Nazirliyin mətbuat xidmətinin rəisi, polkov-nik Anar Eyvazov brifinqdə Azərbaycan Respublikasının Silahlı Qüvvələri tərəfin­dən Qarabağ iqtisadi rayonunda keçirilən lokal xarakterli antiterror tədbirləri barədə indiyədək olan məlumatları diqqətə çat­dırıb. O, bildirib ki, tədbirlər çərçivəsində qarşı tərəfə məxsus növbəti hərbi təyinatlı texnika, döyüş mövqeləri və sığınacaqla­rının zərərsizləşdirilməsi həyata keçirilib. Bununla bağlı videomateriallar mütəmadi olaraq ictimaiyyətə təqdim olunub.

Bu saata olan məlumata əsasən, Er­mənistan silahlı qüvvələri birləşmələrinin tərtibləndiyi 90-dan artıq döyüş mövqe­yi, eləcə də bir neçə strateji əhəmiyyətli yüksəklik Silahlı Qüvvələrimizin nəzarə­tinə keçirilib. Eyni zamanda, qarşı tərəfə məxsus 7 ədəd hərbi nəqliyyat vasitəsi, 4 ədəd minaatan, 1 ədəd tank, 2 ədəd piyadanın döyüş maşını (PDM) və xeyli sayda silah-sursat Silahlı Qüvvələrimizin bölmələri tərəfindən qənimət olaraq ələ keçirilib.

Qeyd olunub ki, silah-sursatı tükənən Ermənistan silahlı qüvvələri birləşmələri­nin hərbi qulluqçuları pərakəndə şəkildə təşviş içində döyüş mövqelərini tərk edir­lər. Bu faktlar təqdim etdiyimiz videoda da əksini tapıb.

Tədbirlər zamanı Ermənistan tərəfinin mütəmadi olaraq müxtəlif məzmunlu ya­lan məlumatlar yaydığını söyləyən Anar Eyvazov ictimaiyyətə, media mənsubları­na və sosial media istifadəçilərinə qarşı tərəfin dezinformasiyalarına əhəmiyyət verməməyi və Müdafiə Nazirliyi tərəfin­dən paylaşılan rəsmi məlumatlara istinad etməyi tövsiyə edib.

Diqqətə çatdırıb ki, lokal xarakterli an­titerror tədbirlərinin davam etdiyi günlər­də bəzi sosial media hesablarında Silahlı Qüvvələrimizə yardım adı altında əhaliyə çağırışlar edilir. Vətəndaşlardan müxtəlif yardım kampaniyalarına qoşulmaqla pul və ərzaq istənilir. Müdafiə Nazirliyi rəsmi olaraq vətəndaşları belə çağırışlara reak­siya verməməyi tövsiyə edib.

Məlumat verilib ki, Silahlı Qüvvələri­mizin maddi-texniki bazasının möhkəm­ləndirilməsi, həmçinin ərzaq və digər tə­minatın daha da yaxşılaşdırılması üçün bütün zəruri işlər görülüb, bölmələrimizin istənilən şəraitdə normalara uyğun və fa­siləsiz təminatı istiqamətində zəruri təd­birlər planlı şəkildə həyata keçirilir.

Sonra Azərbaycan Respublikası Mü­dafiə Nazirliyinin açıqlaması iştirakçılara çatdırılıb. Bildirilib ki, Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müra­ciətini nəzərə alaraq, 2023-cü il sentyab­rın 20-də saat 13:00-da aşağıdakı şərtlər altında lokal xarakterli antiterror tədbirlə­rinin dayandırılması barədə razılıq əldə olunub:

1. Azərbaycan Respublikasının Qa­rabağ bölgəsində yerləşən Ermənistan silahlı qüvvələrinin birləşmələri, qeyri-qa­nuni erməni silahlı dəstələri silahı yerə qoyur, döyüş mövqelərindən və hərbi postlardan çıxır və tam şəkildə tərksilah olunurlar. Ermənistan silahlı qüvvələrinin birləşmələri Azərbaycan ərazilərini tərk edir, qeyri-qanuni erməni silahlı dəstələri buraxılır.

2. Paralel şəkildə bütün silah-sursat və ağır texnika təhvil verilir.

3. Yuxarıda qeyd olunan proseslə­rin Rusiya sülhməramlı kontingenti ilə əlaqələndirilmiş şəkildə həyata keçirilmə­si təmin edilir.

***

Azərbaycan Respublikasının Silahlı Qüvvələrinin Qarabağ iqtisadi rayonun­da keçirdikləri lokal xarakterli antiterror tədbirləri çərçivəsində qarşı tərəfə məx­sus növbəti hərbi təyinatlı texnika, döyüş mövqeləri və sığınacaqların zərərsizləş­dirilməsi həyata keçirilib. “Bu saata qədər olan məlumata görə, Ermənistan silahlı qüvvələrinin birləşmələrinin tərtibləndiyi 90-dan artıq döyüş mövqeyi, eləcə də bir neçə strateji əhəmiyyətli mövqelər Silahlı Qüvvələrimiz tərəfindən nəzarətə götü­rülüb. Qarşı tərəfə məxsus 7 ədəd hərbi nəqliyyat vasitəsi, dörd ədəd minaatan, bir ədəd tank, iki ədəd piyadanın döyüş maşını və xeyli sayda silah-sursat Silahlı Qüvvələrimizin bölmələri tərəfindən qə­nimət olaraq ələ keçirilib”.

***

Silah-sursatı tükənən Ermənistan silahlı qüvvələrinin hərbi qulluqçuları pərakəndə şəkildə, təşviş içində döyüş mövqelərini tərk edirdilər: “Ordumuzun texniki vasitələrinin, eləcə də müşahidə vasitələrinin nəzarəti altında həmin şəxsi heyətin geriyə çəkilməsi və könüllü şəkil­də döyüş mövqelərini tərk etməsi üçün də şərait yaradılır. Onlara bu halda heç bir zərbə endirilməyib”.

***

Lokal xarakterli antiterror tədbirlərinin davam etdiyi günlərdə bəzi sosial media hesablarında Silahlı Qüvvələrimizə yar­dım adı altında əhaliyə çağırış edirlər. Vətəndaşlardan müxtəlif yardım kampa­niyalarına qoşulmaları, o cümlədən pul və ərzaq istənilir. Müdafiə Nazirliyi rəsmi ola­raq vətəndaşları belə çağırışlara reaksiya verməməyi tövsiyə edir. Silahlı Qüvvələ­rimizin maddi-texniki bazasının möhkəm­ləndirilməsi, həmçinin ərzaq və digər tə­minatının daha da yaxşılaşdırılması üçün bütün zəruri tədbirlər həyata keçirilib.

XQ