Azərbaycan həftəsi çərçivəsində Tirananın Milli Tarix Muzeyində Ulu öndər Heydər Əliyevin 100 illiyinə həsr edilmiş sərgi açılıb. Sərgi ümummilli liderin həyat və irsini, Azərbaycan mədəniyyətini tərəqqiyə doğru aparan yolu ifadə edib.
Tiranaın Milli Tarix Muzeyində “Tərəqqinin memarı” adlı sərgi, eyni zamanda, Azərbaycan Milli İncəsənət Muzeyinin kolleksiyasından görkəmli rəssamlar Maral Rəhmanzadə, Tofiq Cavadov, Böyükağa Mirzəzadə, Nadir Əbdürrəhmanov, Mikayıl Abdullayev və Hüseyn Əliyevin əsərləri, Azərbaycan Milli Xalça Muzeyinin kolleksiyasından Kamil Əliyevin müəllifi olduğu xalçalar və digər arxiv fotoşəkillər nümayiş olunub.
Azərbaycanın mədəniyyət nazirinin müavini Fərid Cəfərov qeyd edib ki, iki ölkə arasında bir çox sahələrdə əlaqələr uğurla inkişaf edir və Albaniyada Azərbaycan mədəniyyət həftəsinin keçirilməsi qarşılıqlı mədəni münasibətlərin əlamətdar hadisədir.
XQ
