Fövqəladə Hallar Nazirliyinin Bakı Regional Mərkəzinin bir qrup əməkdaşı “Heydər zirvəsi”nə yürüş edib.
Nazirlikdən bildirilib ki, yürüş iştirakçıları Xınalıq kəndindən hərəkətə başlayaraq, Böyük Qafqaz sıra dağlarının Başdağ silsiləsinin Qızıl Qaya massivində, dəniz səviyyəsindən 3 min 751 metr hündürlükdə yerləşən sərt və mürəkkəb relyefə malik “Heydər zirvəsi”nə qalxaraq, Ulu öndərin unudulmaz xatirəsini dərin ehtiramla anıblar.
Ümummilli lider Heydər Əliyevin 100-cü ildönümünü əks etdirən xatirə lövhəsi zirvəyə yerləşdirilib və Azərbaycan Respublikasının Dövlət bayrağı ilə bərabər FHN-in rəmzi olan bayraq da zirvədə dalğalandırılıb.
“Xalq qəzeti”