Gürcüstanın qərbində Şovi bələdiyyəsi ərazisində baş vermiş və insan tələfatına səbəb olmuş torpaq sürüşməsi ilə bağlı ilk başsağlığı və yardım təklifi dost və qonşu Azərbaycandan gəlib.

Bu barədə Gürcüstan mətbuatı mə­lumat yayıb.

Geniş oxucu kütləsinə malik “interp­ressnews.ge”, “apsny.ge”, “sputnik-ge­orgia.ru”, “24news.ge”, “aktual.ge”, “in­terpress.ge” informasiya portalları, “1tv.ge” televiziyası, “ruetavi2.ge” televiziya kanalları və daha bir neçə sayt Azər­baycanın Gürcüstana ilk başsağlığı verən və dost yardımı təklif edən ölkə olduğu barədə məlumatlar yayıblar.

Bildirilir ki, Azərbaycan Respubli­kasının xarici işlər naziri Ceyhun Bay­ramov Raça dağlıq bölgəsində Şovi kurortunun yaxınlığında sel və torpaq sürüşməsi nəticəsində baş vermiş fə­lakətlə əlaqədar Gürcüstanın xarici iş­lər nazirinə zəng vurub. Nazir ağır fə­lakət zamanı həlak olanların ailələrinə və yaxınlarına, Gürcüstan hökumətinə və xalqına dərin hüznlə başsağlığı ve­rib, yaralananlara şəfa diləyib. O, itkin düşmüş şəxslərin tezliklə tapılacağına ümid bəslədiyini bildirib. C.Bayramov Azərbaycanın hər zaman Gürcüstanın yanında olduğunu, xilasetmə tədbirləri və təbii fəlakətin fəsadlarının aradan qaldırılması istiqamətində hər bir yar­dım, göstərməyə hazır olduğunu vur­ğulayıb.