Azərbaycanla İran arasında Astaraçay üzərində yeni avtomobil körpüsünün tikintisinin başa çatdırılması və yaxın 4 ay ərzində istismara verilməsi barədə razılığa gəlinib.
Bu barədə Azərbaycan Respublikasının Baş nazirinin müavini Şahin Mustafayev və İranın Yol və şəhərsalma naziri Mehrdad Bəzirpaş arasında telefon danışığında razılığa gəlinib.
Ş.Mustafayev bu yaxınlarda İranın sərhədyanı Astara şəhərində keçirilən görüşə toxunaraq, mütəmadi olaraq yüksək səviyyədə görüşlər keçirildiyini açıqlayıb. O, həmçinin İranın yol və şəhərsalma nazirini Tehran və Bakı arasında əlaqələrin inkişafı üçün Azərbaycana səfərə dəvət edib.
“Xalq qəzeti”