Azərbaycanda bu ilin ilk yarısında 24,5 kilometr suvarma məqsədli boru kəməri çəkilib.
“Azərbaycan Meliorasiya və Su Təsərrüfatı” ASC-nin məlumatına görə, hesabat dövründə ölkədə 62,4 kilometr suvarma kanalı və 71 kilometr kollektor-drenaj şəbəkəsi tikilib, yenidən qurulub və bərpa edilib.
Suvarılan torpaqların su təminatının və meliorativ vəziyyətinin yaxşılaşdırılması məqsədi ilə ölkə üzrə 933 ədəd hidrotexniki qurğu, 2 min 353 ədəd subartezian quyusu və 119 ədəd nasos stansiyası təmir edilib.
Xatırladaq ki, respublikamızda əkin sahələrini suvarma suyu ilə təmin edən kanalların təxminən 70 faizi torpaq məcralıdır.
“Xalq qəzeti”