Qazaxıstan Transxəzər Bey­nəlxalq Nəqliyyat Marşrutu (Orta Dəhliz) ilə yük daşımalarını artırma­ğı planlaşdırır. Bu barədə Qazaxıs­tan Prezidenti Kasım-Jomart Toka­yev birinci “Mərkəzi Asiya + Körfəz Ərəb Dövlətləri Əməkdaşlıq Şurası” sammitində çıxışı zamanı deyib.

Dövlət başçısı, həmçinin qeyd edib ki, Qazaxıstan “Şimal-Cənub” Bey­nəlxalq Nəqliyyat Dəhlizinin inkişafı istiqamətində də mühüm tədbirlər hə­yata keçirir. Hazırda region dövlətləri tərəfindən marşrutların şaxələndiril­məsi, müxtəlif infrastruktur və logistika layihələrinin inkişafı istiqamətində fəal tədbirlərin həyata keçirildiyini diqqətə çatdıran Qazaxıstan lideri ölkəsinin Transxəzər Beynəlxalq Nəqliyyat Mar­şrutunun potensialının artırılmasına üstünlük verdiyini bəyan edib. “Biz bu marşrutla yük axınını sistematik şəkil­də artırmaq və 2030-cu ilə qədər onu ildə 500 min konteynerə çatdırmaq niy­yətindəyik. Bundan əlavə, Qazaxıstan “Şimal-Cənub” Beynəlxalq Nəqliyyat Dəhlizinin inkişafı üçün də tədbirlər görür”, – deyə Prezident Kasım-Jomart Tokayev əlavə edib. 

“Xalq qəzeti”