Azərbaycan Milli Elmlər Akademiyasının Rəyasət Heyətinin növbəti iclası keçirilib. Toplantını giriş sözü ilə açan akademik İsa Həbibbəyli gündəlik barədə məlumat verib.

Sonra Əməkdar elm xadimi, filologi­ya elmləri doktoru, professor Qəzənfər Paşayev “Azərbaycanda İraq-türkman araşdırmaları: yekunlar və vəzifələr” möv­zusunda məruzə ilə çıxış edib. Akademik İsa Həbibbəyli qeyd edib ki, İraqda yaşa­yan türkmanlarla elmi əlaqələrin qurulma­sı akademiyanın yaxın perspektivdə qar­şısında duran hədəflərdəndir və AMEA bu istiqamətdə üzərinə düşən vəzifələri məsuliyyətlə və layiqincə yerinə yetirə­cəkdir. AMEA Rəyasət Heyətinin qərarı ilə yeni yaradılan İraq-Türkman Araşdırma­ları üzrə Əlaqələndirmə Şurasının tərkibi təsdiqlənib. Şuranın sədrliyinə akademik Teymur Kərimli, sədr müavinliyinə pro­fessor Qəzənfər Paşayev, üzvlüyünə isə tanınmış türkoloq alimlər təsdiq olunublar.

İclasda müzakirəyə çıxarılan növbəti məsələ Ümummilli lider Heydər Əliye­vin 100 illik yubileyi ilə əlaqədar AMEA-nın nəşrləri haqqında olub. AMEA-nın həyatındakı yeniliklər və qarşıda duran vəzifələr də diqqət mərkəzində olub. Aka­demiklər Arif Həşimov, Rasim Əliquliyev, İradə Hüseynova, Gövhər Baxşəliyeva, İsmayıl Hacıyev, Fuad Əliyev, fizika-riya­ziyyat üzrə fəlsəfə doktoru Yusif Şükürlü, tarix elmləri doktoru Zemfira Hacıyeva və başqaları çıxış edərək müzakirə edilən məsələlər barədə fikir və təkliflərini səs­ləndiriblər.

T.RÜSTƏMLİ, “Xalq qəzeti”