May ayının 30-dan etibarən Dini Qurumlarla İş üzrə Dövlət Komitəsinin sədri Mübariz Qurbanlının rəhbərlik etdiyi nümayəndə heyəti Səudiyyə Ərəbistanı Krallığının (SƏK) İslam Məsələləri, Çağırış və İrşad Nazirliyinin dəvəti ilə sözügedən ölkədə səfərdədir.
Komitə sədri Ciddə şəhərində SƏK-nin İslam Məsələləri, Çağırış və İrşad naziri Şeyx Əbdüllətif bin Əbdüləziz Əl-Şeyxlə görüşüb. Nazir ölkəmizdəki nümunəvi dövlət-din münasibətləri, Dövlət Komitəsinin fəaliyyəti barədə danışıb, ölkədəki bütün dini icmalara bərabər imkanların yaradılmasını vurğulayıb. M.Qurbanlı Azərbaycan–SƏK münasibətlərinin əsasının ulu öndər Heydər Əliyevin 1994-cü ildə həmin ölkəyə rəsmi səfəri ilə qoyulduğunu, hazırda iki ölkə arasındakı əlaqələrin Prezident İlham Əliyevin apardığı siyasətlə daha da inkişaf etməkdə olduğunu diqqətə çatdırıb.
Görüş çərçivəsində Azərbaycan Respublikasının Dini Qurumlarla İş üzrə Dövlət Komitəsi ilə Səudiyyə Ərəbistanı Krallığının İslam Məsələləri, Çağırış və İrşad Nazirliyi arasında Anlaşma Memorandumu imzalanıb.
Qəzənfər QASIMOV, “Xalq qəzeti”