Mayın 3-də Hərbi Prokurorluqda müasir Azərbaycan dövlətinin memarı və qurucusu, xalqımızın ümummilli lideri Heydər Əliyevin 100 illik yubileyi münasibətilə tədbir keçirilib.
Mərasimdə çıxış edən Baş prokurorun müavini – Hərbi prokuror, ədliyyə general-leytenantı Xanlar Vəliyev qəlbi daim Vətən eşqi ilə döyünən müdrik lider Heydər Əliyevin Azərbaycan tarixindəki rolundan, o cümlədən, demokratik, hüquqi dövlət quruculuğundakı misilsiz xidmətlərindən və dünya siyasətinə verdiyi töhfələrdən danışıb.
Hərbi prokuror Xanlar Vəliyev bildirib ki, şərəfli ömür yolunu ölkəmizin tərəqqisinə və millətimizin parlaq gələcəyinə həsr etmiş ümummilli lider dövlətçiliyin ideoloji-siyasi əsaslarını yaradıb, vətəndaş müharibəsinin, eləcə də müstəqilliyimizin itirilməsi təhlükəsinin qarşısı qətiyyətlə alıb, respublikamız siyasi böhrandan xilas edib, sürətli inkişaf yoluna çıxarıb.