Milli Məclisin Sədri Sahibə Qafarova Rusiya Federasiyasına işgüzar səfəri çərçivəsində Sankt-Peterburqda Qazaxıstan Respublikası Parlamenti Senatının sədri Maulen Aşimbayev ilə görüşüb. 

Söhbət zamanı qeyd olunub ki, dost və qardaş ölkələrimiz arasında münasi­bətlər uğurlu inkişaf dinamikasına malik­dir. Bir çox sahələri əhatə edən əlaqələ­rimizin inkişafında dövlət başçılarının xüsusi rolu diqqətə çatdırılaraq, vurğu­lanıb ki, dövlət başçılarımızın sıx müna­sibətləri ölkələrimiz arasında əlaqələrə mühüm töhfə verir, ikitərəfli əməkdaşlığın yüksələn xətlə inkişafına və daha da güc­lənməsinə xidmət edir. 

Bildirilib ki, Azərbaycan və Qazaxıs­tan prezidentlərinin son illər qarşılıqlı səfərləri ikitərəfli münasibətlərə müsbət təsirini göstərib. Bu kontekstdə Prezident İlham Əliyevin 2023-cü il aprelin 10-da Qazaxıstana rəsmi səfərinin əhəmiyyəti xüsusi qeyd olunub. 

Görüşdə bildirilib ki, ölkələrimiz istər ikitərəfli formatda, istərsə də beynəlxalq təşkilatlar çərçivəsində fəal əməkdaşlıq edir. O cümlədən, TÜRKPA çərçivəsində əlaqələrin əhəmiyyəti diqqətə çatdırılıb. 

Tərəflər dövlətlərarası münasibətlərin inkişafında Azərbaycan və Qazaxıstan parlamentlərinin roluna diqqət çəkərək, qanunvericilik orqanlarımız arasında əlaqələrin hazırki səviyyəsinin razılıq do­ğurduğunu vurğulayıblar. Bildirilib ki, son illərdə parlament rəhbərləri səviyyəsində mütəmadi qarşılıqlı səfərlərin həyata ke­çirilməsi əlaqələrin inkişafına xüsusi töhfə vermişdir. 

Görüşdə qarşılıqlı maraq doğuran di­gər məsələlər barədə də geniş fikir mü­badiləsi aparılıb.

Əliqismət BƏDƏLOV, “Xalq qəzeti”