İsrailin paytaxtı Təl-Əvivdə terror aktı törədilib. İsrail mətbuatının məlumatına görə, minik avtomobilin piyadaların üzərinə sürülməsi nəticəsində 7 nəfər xəsarət alıb. Məlumatı “İnterfaks.ru” verib. 

Hadisə sahilyanı ərazidə baş verib. Avtomobil daha sonra çevrilib. Sürü­cü zərərsizləşdilib. Terror aktı ilə bağlı araşdırmalara başlanılıb.

İsrail Xarici İşlər Nazirliyi Təl-Əviv­də baş vermiş insidenti terror aktı kimi qiymətləndirib. XİN hadisə nəticəsində 1 nəfərin öldüyünü, ən azı 6 nəfərin ya­ralandığını bildirib. Ölən və yaralanan­ların hamısı xarici turistlərdir.

Qeyd edilir ki, terrorçu əvvəlcə av­tomobillə bir neçə piyadanı vurub, son­ra avtomobilindən düşərək silahla in­sanları güllələməyə cəhd edib. Bundan sonra polis onu zərərsizləşdirib.

İsrailin Baş naziri Benyamin Netan­yahu Təl-Əvivdə törədilmiş terror aktın­dan sonra hərbi polisin ehtiyatda olan bütün şəxsi heyətinin səfərbər edilməsi barədə göstəriş verib. Bundan başqa, əlavə ordu qüvvələrinin səfərbər edil­məsi barədə də göstəriş verilib. Baş nazir vətəndaşları təhlükəsizlik xid­mətlərinin göstərişlərinə əməl etməyə çağırıb.

“Xalq qəzeti”