Dünən Çin Xalq Azadlıq Ordusu (ÇXAO) Tayvan adasının şimalında, cənubunda və şərqində dənizdə və havada döyüş hazırlığı təlimləri və patrul fəaliyyətini birləşdirən əməliyyatlara başlayıb. Bu barədə ÇXAO-nun şərq qoşunları komandanlığı bəyan edib. Məlumatı TASS verib. 

Qoşun komandanlığının rəsmisi polkovnik Şi İ bildirib ki, hərbi təlim və patrul fəaliyyəti “Tayvanın müstəqilli­yi”nə can atan separatçıların və onları dəstəkləyən xarici qüvvələrin təxribat­larına ciddi xəbərdarlıq, Çinin suveren­liyinin və ərazi bütövlüyünün qorunma­sı üçün vacib məsələdir. “Birgə qılınc” adlanan əməliyyat aprelin 10-dək da­vam edəcək.

Qeyd edək ki, Çinin ada ətrafın­dakı təlimləri Tayvan lideri Tsay İnve­nin Mərkəzi Amerikaya səfəri zamanı Los-Ancelesdə ABŞ Nümayəndələr Palatasının spikeri Kevin Makkarti ilə görüşündən sonraya təsadüf edir. Rəs­mi Pekin həmin görüşə etirazını bildir­mişdi.

Xatırladaq ki, İkinci Dünya savaşın­dan sonra Çində vətəndaş müharibə­sində Mao Tzedonun rəhbərlik etdiyi kommunistlər 1949-cu ildə Çin Xalq Respublikasının (ÇXR) yaradıldığını elan ediblər. Çan Kayşinin liderliyində­ki Koumintan qüvvələri Tayvan adası­na köçərək Çin Respublikasının möv­cudluğunun davam etdiyini bəyan edir. Ada Çin Xalq Respublikasının qurul­masından öncəki Çin Respublikasının bayrağını və bəzi atributlarını qoruyub saxlayır. Rəsmi Pekin isə Tayvandakı qondarma Çin Respublikasının möv­cudluğunu qəbul etmir və adanı Çinin əyaləti hesab edir.

“Xalq qəzeti”