ABŞ-ın sabiq prezidenti Donald Tramp Manhettendə ştat məhkəməsində 2016-cı il prezident seçkisində qalib gəlməzdən qısa müddət əvvəl pornoulduz Stormi Danielsə 10 il əvvəl aralarındakı romantik görüşlə bağlı “səssiz qalması üçün” edilən 130 min dollarlıq ödənişlə əlaqədar 38 ittiham üzrə mühakimə olunub. Bu barədə “Amerikanın səsi” radiosu məlumat yayıb. 

Qeyd edək ki, sözüge­dən iddianı S.Daniels qaldı­rıb. D.Tramp bütün maddələr üzrə təqsirli olmadığını bildi­rib. Birləşmiş Ştatların tarixin­də ilk dəfədir ki, vəzidəfə olan və ya keçmiş prezidentə qarşı ittiham qaldırılır. 

Yerli mətbuat yazır ki, D.Tramp S.Danielslə bir ge­cəlik münasibətinin olduğunu inkar etsə də, bir zamanlar vəkili olan Maykl Kohenin Danielsə ödəniş etdiyini və Kohenə edilən kompensiyasi­ya ödənişlərinin sabiq dövlət başçısına məxsus təşkilatın hesablarında hüquqi xərc kimi qeydə alındığını inkar et­məyib. Təqsirləndirilən şəxs ödənişin onun yeddi il əvvəl apardığı seçki kampaniyası ilə bağlı olduğunu iddia edib.

Xatırladaq ki, 76 yaşlıD.Tramp prezident seçil­məzdən qabaq özünün da­şınmaz əmlak üzrə nəhəng biznes imperiyasına başçı­lıq edirdi. İndi isə o, ilk dəfə olaraq təqsirli şəxs qismində məhkəmə qarşısına çıxarı­lıb. ABŞ-da keçirilən son rəy sorğuları D.Trampın 2024-cü il prezidentliyə respublikaçı namizədlər arasında birinci yerdə olduğunu göstərir. Bu­nunla bərabər, əksər ameri­kalılar D.Tramla bağlı kəskin fikir ayrılığına malikdirlər. Əhalinin bir qismi ondan ra­zılıq edir, başqa bir kəsim isə ciddi narazıdır. 

Məhkəmədən öncə ittiham aktı gizli saxlanılırdı. Belə ki, D.Trampa qarşı irəli sürülən ittihamlar və dəlillər geniş ic­timaiyyətə açıqlanmırdı. O, məhkəmədən əvvəl hər bir təqsirləndirilən şəxs kimi nə­zarətə alınıb və onun barmaq izləri alınıb. Ancaq rəsmilərin dediyinə görə, keçmiş prezi­dent olduğu üçün, onun qolları qandallanmayıb və fotoqroflar önündən keçməyib.

Manhettendəki məhkəmə­dən sonra Donald Tramp Florida ştatına yola düşüb. Ştatın Palm-Biçdəki iqamət­gahında çıxış edən respubli­kaçının sözlərinə görə, onun ölkəsində seçkilərə müdaxilə indi görünməmiş miqyasda baş verir. “Bu, Corc Sorosun dəstəklədiyi prokuror Alvin Bragg ilə başlayır. O, prezi­dent Trampı zəiflətmək üçün kampaniya qurmuşdur”, –deyə Tramp bildirib.

M.HACIXANLI, “Xalq qəzeti”