Bu il fevralın 6-da Türkiyədə baş verən ağır zəlzələyə baxmayaraq, qardaş ölkədə iri infrastruktur layihələrinin icrası uğurla davam etdirilir. Türkiyənin nəqliyyat və infrastruktur naziri Adil Qaraosmanoğlu dünən “Anadolu” agentliyinə müsahibəsində bir çox meqalayihələr barədə açıqlamalar verib.

Nazir bildirib ki, Ankara–Sivas yüksək sürətli dəmiryol yolu, Ziqana tuneli, İstan­bul və Ankara metrolarında əlavə xətlər və s. iri layihələr yaxın həftələr ərzində istifadəyə veriləcək. Qeyd edək ki, bu il oktyabrın 29-da Türkiyə Cümhuriyyətinin yaradılmasının 100 ili tamam olur. Bu əlamətdar hadisə ərəfəsində ölkədə çox saylı yeni obyektlərin təntənəli açılış mə­rasimləri planlaşdırılıb. 

Nazir bununla bərabər qeyd edib ki, Türkiyə hökuməti iri infrastruktur layihələ­rinin icrasını davam etdirməklə yanaşı, Kahramanmaraşda və ətraf bölgələrdə dəhşətli zəlzələnini ağır yaralarını sa­ğaltmaq üçün əlindən gələni edir. “Bu istiqamətdə işlər nəinki yavaşıyacaq, əksinə, sürətlənəcək və bərpa templəri daha da yüksələcək”, – deyə nazir vur­ğulayıb. 

İndi də yuxarıda adlarını çəkdiyimiz layihələr barədə qısa məlumat verək. Beləliklə, ölkə paytaxtını Sivas şəhəri birləşdirən Ankara–Sivas sürət qatarının saatda 250 kilometr yol qət edəcək. Qa­tarın qət edəcəyi məsafə mövcud avto­mobil yolundan xeyli qısadır. Sərnişinlər yola iki dəfəyə yaxın az vaxt sərf edəcək­lər. 

Layihə üzrə Elmadaq, Kırıkkale, Er­key, Yozqat, Sorqun, Akdaqmadeni, Yılı­dızeli və Sivas sonuncu olmaqla, səkkiz stansiya fəaliyyət göstərəcək. Kırıkkale, Yozqat və Sivas vilayətlərində yaşayan 1,4 milyon sakin sürət qatarından tezlik­lə istifadə edə biləcəklər. İnşaat işlərində yalnız Türkiyə istehsalı olan dəmir rels­lərdən istifadə olunur. 

Bu günlərdə İstanbul metrosunda Başakşehir–Kayaşehir yeni metro xət­tinin tikintisi davam edir. Uzunluğu 6,2 kilometr olan xətdə Onurkent, Başakşe­hir Çam, Sakura və Kayaşehir adlı dörd stansiya olacaq. Metroda qatarlar saatda 80 kilometr sürətlə hərəkət edəcək və bu istiqamətdə bir saat ərzində 70 minə yaxın sərnişin daşınacaq. 

Ziqana tuneli layihəsi də mühüm in­frastruktur layihələrindəndir. Türkiyənin şərqində inşa edilən bu tunelin tezliklə istifadəyə verilməsi ilə nəqiliyyat vasitələ­rinin daha sürətli, keyfiyyətli və təhlükəsiz hərəkəti təmin ediləcək. 

Məlumat üçün bildirək ki, Qara dəniz sahilindəki böyük iqtisadi mərkəzlərdən biri olan Trabzonu Bayburt, Aşkale və Ər­zurum şəhərləri ilə birləşdirən yolda inşa edilən tunelin uzunluğu dalan yollarla bir­likdə 15,1 kilometrdir. Tunel “Böyü ipək yolu” layihəsinin tərkib hissəsidir. 

Türkiyənin nəqliyyat və infrastruktur naziri Adil Qaraosmanoğlu sonra bildirib ki, tuneldə modern ventilyasıya sistem­ləri quraşdırılıb. Onun sözlərinə görə, ikitərəfli hərəkəti təmin edən Ziqana tu­neli uzunluğuna görə Türkiyədə birinci, Avropada üçüncüdür. Belə bir faktı da qeyd etməyə dəyər ki, tunel yolu 8 ki­lometr qısaldır. Yuxarıda qeyd etdik ki, yaxın aylar ərzində İstanbul metrosunda yeni xətlər istifadəyə veriləcək. Ankara metrosunda da hazırda təzə metro stan­siyaları sürətlə inşa edilir. Təkcə burada deyil, ölkənin bir çox digər böyük şəhər­lərində metro tikintisi genişlənir. 

Sonda xatırladaq ki, haqqında bəhs etdiyimiz layihələr əsasən nəqliyyat sahəsini əhatə edir. Son illər qardaş ölkədə başqa sahələrdə, eləcə də teks­til, yüngül və emal sənayesi, inşaat, kənd təsərrüfatı istiqamətlərində də nəzərə­çarpan uğurlar əldə olunub. 

Türkiyə son illər müdafiə sənayesi məhsulları istehsalında, xüsusilə, pilot­suz uçuş aparatlarının hazırlanmasında, modern texnologiyalarıın tətbiqində bö­yük nailiyyətlər qazanıb. Əlbəttə, ölkə iq­tisadiyyatında müəyyən çətinliklər də var. Son vaxtlar milli valyuta dollar qarşısın­da xeyli dəyər itirib, inflyasiya yüksəlib. Lakin Türkiyə dövləti və xalqı ən böyük problemləri həll etməyə qadirdir! Allah Türkiyəni və türk xalqını qorusun!

Məsaim ABDULLAYEV, “Xalq qəzeti”