Dünyanın aparıcı milyar-derlərindən olan İlon Mask iddialı çıxışı ilə gündəmə gəlib.
“SpaceX”, “Tesla” və “Twitter” şirkətlərinin sahibi ABŞ-ın Texas ştatı yaxınlığındakı ərazidə öz şəhərini inşa edəcəyini bildirib.
“Wall Street Journal” (WSJ) tərəfindən dərc edilən xəbərə görə, sözügedən şəhərin Ostin əyaləti yaxınlığında yerləşən Bastrop qraflığında inşa ediləcəyi qeyd edilib.
Tikintisi davam edən “Boring” və “SpaceX” obyektlərinin yanındakı ərazidə təməlinin atılması planlaşdırılan şəhərin İlon Maskın şirkətində çalışanların dünya bazarından aşağı kirayə haqqı ilə yeni evlərə köçməsinə şərait yaradılacağı iddia edilir.
Texasın qanunlarına görə, inşa olunacaq ərazinin şəhər sayılması üçün ərizə verməzdən əvvəl həmin rayonda, ən azı, 201 nəfərin yaşaması tələb olunur. Bu prosesdən sonra ərazidəki hakimdən razılıq alınır.
Bastrop qraflığındakı səlahiyyətli şəxsin verdiyi açıqlamada qeyd edilib ki, Maskdan və ya onun sahibi olduğu hər hansı təşkilatdan, hələlik heç bir müraciət daxil olmayıb.
Aytən NƏCƏFOVA, “Xalq qəzeti”
