İran “Əl-Qaidə” terror şəbəkəsinin mərkəzinə çevrilib. Belə bir bəyanatla ABŞ-ın Əfqanıstan üzrə sabiq xüsusi nümyəndəsi Zalmay Xəlilzad çıxış edib. Məlumatı TASS verib.
Xəlilzad “TOLOnews” telekanalına müsahibəsində deyib: “Bir zaman “Əl-Qaidə” şəbəkəsinin fəaliyyət mərkəzi Əfqanıstan idi. İndi bu mərkəz İrana köçüb”.
Sabiq səfir ABŞ Prezidenti Cozef Bayden administrasiyasını İrana qarşı əlavə sanksiyalar tətbiq etməyə və Tehranı beynəlxalq aləmdən təcrid etməyə çağırıb.
Qeyd edək ki, Zalmay Xəlilzad əvvəllər ABŞ Dövlət Departamentinin Milli Təhlükəsizlik Şurasında və Pentaqonun strukturlarında çalışıb, Kabil və Bağdadda səfir işləyib, Birləşmiş Ştatların BMT-də daimi nümayəndəsi olub. O, hazırda Ağ evin məsləhətçilərindən biridir.
Paşa ƏMİRCANOV, “Xalq qəzeti”