Fevralın 28-də “Heydər Əliyev İli” çərçivəsində Azərbaycan Dövlət Pedaqoji Universitetində tarix elmləri doktoru, professor Dilarə Seyidzadə ilə görüş keçirilib.

ADPU-nun beynəlxalq əlaqələr üzrə prorektoru, professor Mahirə Hüseyno­va bildirib ki, 1-ci dərəcəli dövlət müşaviri, “Şərəf” və “Şöhrət” ordenli Dilarə Seyid­zadə ümummilli lider Heydər Əliyevin və Prezident İlham Əliyevin köməkçisi – Prezi­dentin Katibliyinin rəisi kimi uzun illər səmərəli fəaliyyət göstərib. Məşhur Seyidza­dələr ailəsinin nümayəndəsi olan Dilarə xanımın atası Bağır Seyidzadə tanınmış diplomat, jurnalist və peşə­kar tərcüməçi olub. Profes­sor Dilarə Seyidzadənin milli tarixşünaslığımızda da xüsu­si yeri var. Onun “Azərbay­can XX əsrin əvvəllərində: müstəqilliyə aparan yollar” əsəri milli tarixşünaslığımız­da Azərbaycan Xalq Cümhu­riyyətinə aparan yolu işıqlan­dıran ilk tədqiqat işidir. 

Rektor, professor Cəfər Cəfərov dahi şəxsiyyət Heydər Əliyevi onun ən yaxın silahdaşlarının təqdimatın­dan tanımağın müstəsna əhəmiyyətindən söz açaraq, qonağa təşəkkür edib, onu tarix müəllimliyi ixtisasında təhsil alan tələbələrlə ustad dərsinə dəvət edib.

Görüş diskussiya forma­tında davam edib. Müəllim və tələbələrin çoxsaylı suallarını cavablandıran D.Seyidzadə gənclərin Heydər Əliyevdən öyrənməli olduqları ən böyük dəyərlərin Vətəni onun kimi sevmək, məsuliyyətlilik və həyat yolunu doğru müəy­yənləşdirmək olduğunu bildi­rib. Qonaq vurğulayıb ki, ulu öndərin həyat və fəaliyyəti gənclərimiz üçün nümunədir. Professor Dilarə Seyidzadə Heydər Əliyevlə bağlı xa­tirələrini də bölüşüb, görüşün təşkilinə görə təşəkkürünü bildirib.

T.RÜSTƏMLİ, “Xalq qəzeti”