Türkiyənin milli müdafiə naziri, ordu generalı Hulusi Akar deyib ki, “Pənçə-Kilit” əməliyyatında indiyədək 523 terrorçu məhv edilib. Bu barədə “Anadolu” agentliyi məlumat yayıb.
Onun sözlərinə görə, bu ilin yanvar ayından bəri isə 261 terrorçu zərərsizləşdirilib: “Terrorçuların sığınacaqlarını məhv edirik və buna davam edəcəyik. İraqla sərhəddəki 302 kilometrlik sahənin xeyli hissəsi terrorçulardan təmizlənib. Həmin ərazi nəzarətimizdədir”.
Türkiyənin milli müdafiə naziri, həmçinin vurğulayıb ki, ölkədə baş verən zəlzələlərin fəsadlarının aradan qaldırılması üçün fədəkarlıqla çalışan hərbçilər sərhəd təhlükəsizliyi və terrorla mübarizə sahəsindəki işləri də eyni qətiyyətlə davam etdirirlər.
Qeyd edək ki, “Pənçə-Kilit” Türkiyə Silahlı Qüvvələrinin Suriyanın şimalında terrorçulara qarşı keçirdiyi əməliyyatdır.
Hazırladı:
M.HACIXANLI,
“Xalq qəzeti”
