İtaliya

Xocalı soyqırımının 31-ci ildönü­mü ilə əlaqədar Heydər Əliyev Fon­dunun və Azərbaycanın İtaliyadakı səfirliyinin birgə təşkilatçılığı ilə sə­firliyin Mədəniyyət Mərkəzində anım tədbiri keçirilib. Tədbirdə İtaliya par­lamentinin üzvləri, dövlət rəsmiləri, ictimai-siyasi xadimlər, diplomatik korpus təmsilçiləri, yerli KİV nü­mayəndələri və Azərbaycan icması­nın üzvləri iştirak ediblər.

Mərasimdə çıxış edən Azərbaycanın İtaliyadakı səfiri Rəşad Aslanov Xocalı soyqırımının 31 il bundan öncə Ermə­nistanın ölkəmizə qarşı hərbi təcavüzü zamanı mülki əhaliyə qarşı törədilən ən ağır cinayətlərdən biri olduğunu diqqətə çatdırıb. Səfir dünya ictimaiyyətinin mə­lumatlandırılması istiqamətində Heydər Əliyev Fondunun və Fondun vitse-pre­zidenti Leyla Əliyevanın rəhbərliyi ilə həyata keçirilən “Xocalıya ədalət!” beynəlxalq kampaniyasının Xocalıda törədilmiş cinayətlərə hüquqi və siyasi qiymətin verilməsinə mühüm töhfə ver­diyini vurğulayıb.

Heydər Əliyev Fondunun nümayən­dəsi Fidan Yusibova isə bildirib ki, indiyədək 10-dan çox ölkə və İslam Əməkdaşlıq Təşkilatı Xocalıda ermə­nilər tərəfindən törədilmiş cinayətləri soyqırımı kimi tanıyan qərar və qət­namələr qəbul edib. 

Mərasimdə vurğulanıb ki, müzəffər Ali Baş Komandan İlham Əliyevin rəh­bərliyi ilə şanlı Azərbaycan Ordusunun 44 günlük Vətən müharibəsindəki par­laq Qələbəsi sayəsində xalqımız Xocalı soyqırımı qurbanlarının xatirəsini qalib xalq kimi yad edir. Bu gün bütün şəhid­lərimiz kimi, Xocalı soyqırımı qurbanları­nın da qisası alınıb. 

Almaniya 

Fevralın 24- də Almaniya Fede­rativ Respublikasının Berlin şəhə­rində Milli Məclisin deputatı Nurlan Həsənovun da qatıldığı Xocalı soyqı­rımının 31-ci ildönümünə həsr edil­miş anım mərasimi keçirilib. Tədbir Heydər Əliyev Fondu ilə əməkdaşlıq çərçivəsində Azərbaycan Respub­likasının Almaniya Federativ Res­publikasındakı səfirliyi tərəfindən Berlindəki Azərbaycan Mədəniyyət Mərkəzində təşkil olunub.

Mərasimdə Azərbaycan həqiqətləri diqqətə çatdırılıb və erməni silahlı qüv-vələri tərəfindən azərbaycanlı əhaliyə qarşı törədilmiş Xocalı qətliamı barə­də məlumat verilib. Qeyd edilib ki, 31 il əvvəl, müstəqilliyimizin ilk aylarında erməni silahlı dəstələri azərbaycanlıla­ra qarşı törətdikləri qətliam müstəqillik tariximizin ən ağır və amansız hadisəsi­dir. Diqqətə çatdırılıb ki, Xocalı qətliamı təkcə Azərbaycanda yox, ümumilikdə, dünyada törədilmiş ən böyük miqyaslı terror hadisələrindən biri kimi qiymətlən­dirilməlidir. 

Bosniya və Herseqovina

Bosniya və Herseqovinanın Sara­yevo şəhərində Xocalı soyqırımının 31-ci ildönümünə həsr edilmiş bey­nəlxalq konfrans keçirilib. Tədbirdə Bosniya və Herseqovinadan olan deputatlar, dövlət rəsmiləri, diploma­tik korpusun, QHT və KİV-in, gənclər təşkilatlarının nümayəndələri, həm­çinin Milli Məclisin deputatı Müşfiq Cəfərov iştirak ediblər. 

Beynəlxalq konfransda bir daha Azərbaycan həqiqətləri dünya ictimaiy­yətinə çatdırılıb, erməni silahlı qüvvələri tərəfindən azərbaycanlı əhaliyə qarşı törədilmiş soyqırımı barədə məlumat verilib, faciəni əks etdirən sənədlər təq­dim olunub və Xocalı qətliamının Azər­baycana qarşı törədilmiş ən böyük terror aktı olduğu qeyd edilib. 

Tədbirdən sonra Heydər Əliyev Fon­dunun təşəbbüsü və Azərbaycan dövlə­tinin maliyyə dəstəyi ilə əsaslı surətdə təmir edilmiş “Dostluq parkı”nda Xocalı soyqırımı qurbanlarının xatirəsinə ucal­dılmış abidə kompleksi ziyarət olundu. 

Ə.BƏDƏLOV, “Xalq qəzeti”