İqtisadiyyat Nazirliyi yanında Dövlət Vergi Xidmətinin rəisi, Avropadaxili Vergi Administrasiyaları Təşkilatının prezidenti Orxan Nəzərli Almaniya Federal Maliyyə Nazirliyinin Vergi Direktoratlığının rəhbəri Nils Vayt ilə videoformatda görüş keçirib.

İqtisadiyyat Nazirliyi yanında Dövlət Vergi Xidmətindən bununla bağlı bildirilib ki, görüşdə birgə fəaliyyətin inkişaf etdirilməsi üçün potensial imkanlar, əməkdaşlığın gücləndirilməsi və beynəlxalq əlaqələrin təşviqi barədə müzakirələr aparılıb. Tərəflər arasında əməkdaşlığın şaxələndirilməsi məsələlərinə toxunulub, vergi sahəsində təcrübə mübadiləsi ilə bağlı fikirlər bölüşülüb. 

Görüşdə, eyni zamanda,  Almaniya Vergi Direktoratlığının fəaliyyəti və son illər müşahidə edilən çağırışlar müzakirə olunub. Bundan savayı, təşkilatın imkanlarının genişləndirilməsi, yeni üzvlərin cəlb edilməsi və maliyyə dayanıqlığının artırılması istiqamətində təkliflər nəzərdən keçirilib. 

Müzakirənin davamında   vergi sahəsində ikitərəfli əməkdaşlığın prioritetləri barədə fikir mübadiləsi aparılıb, innovasiyaların tətbiqi və vergi inzibatçılığının təkmilləşdirilməsi üzrə təcrübə mübadiləsinin əhəmiyyəti vurğulanıb.