Bu ilin martın 1-nə ölkəmizin regionları üzrə kredit qoyuluşlarının həcmi əvvəlki ayla müqayisədə 77,7 milyon manat və ya 0,3 faiz, 2024-cü ilin eyni dövrü ilə müqayisədə isə 3,8 milyard manat və ya 15,8 faiz artaraq 27,6 milyard manata bərabər olub.
Mərkəzi Bankdan aldığımız məlumata əsasən, hesabat dövründə kredit təşkilatlarının verdikləri kreditlərin 76,8 faizi və ya 21,2 milyard manatı Bakı şəhərinin payına düşüb. Dövr ərzində kredit qoyuluşunun ən az orta faiz dərəcəsi Bakı şəhəri (12,04 faiz), ən çox isə Dağlıq Şirvan iqtisadi rayonu (19,43 faiz) üzrə qeydə alınıb.
Bu ilin martın 1-nə Şərqi Zəngəzur iqtisadi rayonu üzrə kredit qoyuluşlarının həcmi əvvəlki ayla müqayisədə 169 min manat və ya 1,7 faiz artaraq 10 milyon manata bərabər olub. Regiona qoyulmuş kreditlərin 9,3 milyon manatı milli valyutada, 698 min manatı isə sərbəst dönərli valyutada yerləşdirilib.
Bu ilin fevralında Qarabağ iqtisadi rayonu üzrə kredit qoyuluşlarının həcmi 477,1 milyon manat (əvvəlki ayla-yanvarla müqayisədə 2,5 milyon manat və ya 0,5 faiz, ötən ilin eyni dövrünə nisbətən isə 67,5 milyon manat və ya 16,5 faiz çox) olub. Dövr ərzində regiona qoyulan kreditlərin 475,7 milyon manatı milli valyutada, 1,5 milyon manatı isə sərbəst dönərli valyutada yerləşdirilib.
Qeyd edək ki, 2025-ci ilin martın 1-nə olan məlumata əsasən, Azərbaycanın cəmi regionları üzrə kredit qoyuluşlarının həcmi 27,6 milyard manata bərabər olub. Bu isə əvvəlki ayla müqayisədə 77,7 milyon manat və ya 0,3faiz, 2024-cü ilin eyni dövrü ilə müqayisədə isə 3,8 milyard manat və ya 15,8 faiz çoxdur.
