Cari ilin yanvar–avqust aylarında ölkədə elektrik enerjisi, qaz və buxar istehsalı, bölüşdürülməsi və təchizatı sektorunda 2 milyard 43 mil­yon manat (2023-cü ilin müvafiq dövrünün göstəricisi ilə müqayisədə 0,1 faiz çox) dəyərində məhsul istehsal olunub və xidmətlər göstərilib.

Dövlət Statistika Komitəsinin bu barə­də məlumatına görə, hesabat dövründə su təchizatı, tullantıların təmizlənməsi və emalı sektorunda istehsal edilmiş məh­sulların həcmi 397,3 milyon manat təşkil edib, bu da illik müqayisədə 8,8 faiz artım deməkdir.

Xatırladaq ki, ötən il Azərbaycanda elektrik enerjisi, qaz və buxar istehsalı, bö­lüşdürülməsi və təchizatı sektorunda 3 mil­yard 65 milyon manat (2022-ci ilin göstə­ricisi ilə müqayisədə 0,6 faiz çox) məhsul istehsal olunub.

2023-cü ildə su təchizatı, tullantıların təmizlənməsi və emalı sektorunda istehsal edilmiş məhsulların həcmi 586 milyon ma­nat (illik müqayisədə 15,5 faiz çox) təşkil edib.