Bu ilin yanvar-iyun aylarında satış imkanlarını ar­tırmaq və yeni bazarlara çıxışa dəstək məqsədilə İqtisa­diyyat Nazirliyinin tabeliyindəki Kiçik və Orta Biznesin İnkişafı Agentliyinin (KOBİA) bu istiqamətdə təklif et­diyi xidmətlərdən 60-a yaxın mikro, kiçik və orta biznes (KOB) subyekti faydalanıb. 

Agentliyin təşkilatçılığı və ya dəstəyi ilə keçirilmiş 4 sərgi və yarmarkada 38 KOB subyektinin ödənişsiz olaraq məhsul və xidmətlərini təqdim etməsi üçün xüsusi stend yara­dılıb. Bu sərgilər çərçivəsində KOB-lar məhsullarını geniş auditoriyaya təqdim etməklə və yeni əməkdaşlıqlar qurmaq­la satış imkanlarını genişləndi­riblər. 

Cari ilin ilk yarısında ti­carət şəbəkələrinə çıxışa dəstək mexanizmindən yarar­lanmaq üçün agentliyə KOB subyektlərindən 24 müraciət daxil olub ki, onlardan da mü­vafiq qaydalara uyğun olan 21 sahibkara dəstək göstərilib. Qeyd edək ki, ticarət şəbəkələ­rinə çıxışa dəstək mexanizmi üzrə Bakı şəhərində fəaliyyət göstərən ticarət şəbəkələrin­də 8 satış nöqtəsi yaradılıb. Bundan əlavə, ixtisaslaşmış sərgi və yarmarkalarda iştirak edərək məhsul və xidmətləri­ni tanıtmaq və satış imkanla­rını artırmaq istəyən kiçik və orta biznes subyektləri mü­vafiq müraciət formasını dol­durmaqla elektron qaydada KOBİA-ya müraciət edə bilər­lər. 

Xatırladaq ki, Azərbay­canda kiçik və orta biznesin (KOB) – sahibkarlığın tərəqqi­si son illərdə sosial-iqtisadi inkişaf strategiyasının ən pri­oritet istiqamətlərdən biri kimi daim diqqətdə saxlanılıb, özəl bölmənin fəaliyyəti dövlət tərəfindən yüksək qiymətlən­dirilib. Məhz bunun nəticəsidir ki, cari ilin ilk yarısında sahib-karlar tərəfindən KOB evlə­rinə daha çox biznes fəaliyyəti üçün lazım olan sənədlər, ver­gi, gömrük məsələləri, eləcə də kommunal xidmətlər üçün mü­raciət olunub və bu stiqamət­lərdə 208 min 194 xidmət göstərilib. Bu xidmətlərin 158 minə yaxını “Bakı KOB evi”­nin, 41 mindən çoxu “Yevlax KOB evi”nin, 9 mindən çoxu isə “Xaçmaz KOB evi”nin pa­yına düşüb.

KOB evlərində sahibkarla­ra göstərilmiş xidmətlərin 189 mindən çoxu dövlət qurum­ları (“G2B”), 20 minə yaxını isə biznes qurumları (“B2B”) tərəfindən təqdim edilib. KOB evlərinə daha çox yükdaşı­maları həyata keçirmək üçün icazə blankı, fərqlənmə nişanı, mənşə sertifikatı, açıq məkan­da reklam yerləşdirilməsinə icazə, fiziki şəxsin vergi uço­tuna alınması, gömrük, kom­munal və bank xidmətlərindən istifadə üçün müraciət olunub. Sahibkarların KOB evlərində göstərilən xidmətlərdən məm­nunluq səviyyəsi 100 faizə yaxınlaşıb. 

Yeri gəlmişkən, KOB ev­lərinin xidmət səviyyəsi daim diqqət mərkəzində saxlanılır. Buna bariz nümunə olaraq sö­zügedən mərkəzlərdən istifadə edən sahibkarlar artıq ora gəl­mədən onlayn növbə götürə bi­lirlər. Belə ki, iş adamı “And­roid” (“GooglePlay”) və ya “İOS” (“AppStore”) əməliyyat sistemləri ilə çalışan mobil qur­ğusuna “KOB növbə” tətbiqini yükləməlidir. Bundan sonra sahibkar şəxsiyyət vəsiqəsinin seriya nömrəsini və FİN kodu­nu daxil etməklə qeydiyyatdan keçə və şəxsi kabinetini yara­da bilər. Beləliklə, sahibkarlar “KOB növbə” tətbiqi vasitəsilə KOB evlərinə gəlmədən növbə götürə və mərkəzə daha yaxın ərazidə olduqda növbəsini ak­tivləşdirə bilərlər.

Qeyd edək ki, KOB evləri Kiçik və Orta Biznesin İnki­şafı Agentliyinin (KOBİA) strukturuna daxil olmaqla sa­hibkarlara “G2B” və “B2B” xidmətlərin göstərildiyi vahid məkandır. Hazırda Bakı, Xaç­maz və Yevlax şəhərlərində olmaqla üç KOB evi fəaliyyət göstərir. 

Azərbaycanın davamlı iqti­sadi inkişafının reallaşdırılma­sında sahibkarlığın, xüsusilə kiçik və orta biznesin rolunun artırılması dövlət başçısının rəhbərliyi ilə həyata keçirilən sosial-iqtisadi siyasətin priori­tet istiqamətlərindəndir. Res­publikamızda özəl sektorun inkişafı sahəsində reallaşdırı­lan sistemli tədbirlərin davamı olaraq dövlətimizin başçısının 2017-ci il 28 dekabr tarixli fər­manı ilə İqtisadiyyat Nazirliyi­nin tabeliyində Kiçik və Orta Biznesin İnkişafı Agentliyinin yaradılması da bunun bariz ifa­dəsidir.

Xatırladaq ki, hazır­da Azərbaycanda fəaliyyət göstərən sahibkarlıq subyekt­lərinin 99,6 faizini kiçik və orta biznes subyektləri təşkil edir. Həmin qurumların inno­vativ inkişafının dəstəklənməsi strateji fəaliyyət gündəliyinin əsas elementlərindən biridir. Mikro, kiçik və orta sahibkar­lıq müasir iqtisadiyyatların əsas sütunu və hərəkətveri­ci qüvvəsi hesab olunur. Bu baxımdan, kiçik və orta biznes subyektlərinin fəaliyyətinin şaxələndirilməsi və innovasiya səviyyəsi bütövlükdə ölkənin inkişaf göstəricisidir.