Bu ilin əvvəlindən İpoteka və Kredit Zəmanət Fondunun xəttilə 225,4 milyon manat ipo­teka krediti verilib ki, bu da 2489 ailəyə mənzil şəraitini yaxşılaşdırmağa imkan yaradıb. Bu barədə İKZF-in ipoteka kreditləşməsi üzrə direktoru İlham Kələşov məlumat verib.

Fondun ayırdığı ipoteka kreditləri he­sabına indiyədək 50 min 300-dən çox ailənin öz mənzil şəraitini yaxşılaşdırdı­ğını diqqətə çatdıran İ. Kələşov deyib ki, həmin şəxslərə verilən kreditlərin ümumi məbləği 3 milyard 100 milyon manat təş­kil edir. Kreditlərin 78 faizinin Bakı şəhə­rinin payına düşdüyünü diqqətə çatdıran direktorun sözlərinə görə, paytaxt üzrə indiyədək 16 min 600 nəfərə, ümumilik­də, 930 milyon manatadək güzəştli ipote­ka krediti verilib.

Xatırladaq ki, 2023-cü ildə ipoteka kreditləri hesabına 3800-dən çox şəxsə 349 milyon manat məbləğində adi ipo­teka kreditləri verilib. Bu il isə, təqribən, 350 milyon manat məbləğində belə kre­ditlərin verilməsi planlaşdırılır.