Azərbaycan yük avtomobilləri ilə ilk dəfə birbaşa olaraq Çindən ölkəmizə yük gətirib. Bu ölkənin Alaşankau şəhərindən yola düşən avtomobillər Çin–Qazaxıstan–Rusiya–Azər­baycan marşrutu üzrə hərəkət etməklə cəmi 6 günə Bakıya çatıb.

Azərbaycan Yerüstü Nəqliyyat Agent­liyindən bildirilib ki, əvvəllər Çin və Azər­baycan arasında avtomobil nəqliyyatı ilə birbaşa daşımalar həyata keçirilmir­di. Yüklərin daşınması, əsasən qonşu ölkələrin ərazilərində bir ölkənin nəqliyyat vasitəsindən digər ölkənin nəqliyyat va­sitəsinə yüklənmə yolu ilə reallaşdırılırdı. 

Xatırladaq ki, bir qədər əvvəl Azər­baycan və Çin arasında avtomobil nəq­liyyatı ilə beynəlxalq yükdaşımaların re­allaşdırılması üçün “İcazə” blanklarının mübadiləsi həyata keçirilib. Bununla da, Azərbaycan daşıyıcılarının avtomobil nəqliyyatı ilə beynəlxalq yükdaşımala­rının coğrafiyası daha da genişlənərək yükdaşıma fəaliyyəti göstərilən ölkələrin sayı 51-ə çatıb.