“Azərişıq” ASC-dən aldığımız məlumata görə, qurum in­vestisiya layihəsi çərçivəsində Gədəbəyin elektrik şəbəkəsi­ni təzələyir, sovet dövründən qalma köhnə elektrik xətlərini tamamilə müasir standartlara uyğun şəkildə yeniləri ilə əvəz­ləyir. 

350 abonenti olan Xar-xar kəndində 0,4 kV-luq yeni kabel xətləri çəkilib və dayaqlar bas­dırılıb. Həmçinin müa­sir standartlara cavab verən yeni tipli sayğac qutuları və 250 KVa-lıq transformator quraşdı­rılıb.

Rayonun Arısu kən­dində yenidənqurma iş­ləri yekunlaşıb. Burada sakinlərin dayanıqlı və fasiləsiz elektrik enerjisi ilə təmin olunması üçün özünüdaşıyan izoliyasiyalı kabel xətləri çəkilib, dayaqlar basdırılıb.

Arıqıran və Zəhmət kəndlərində isə elektrik təsərrüfatının yenilənməsi işləri davam etdirilir. Yeni elektrik xətlərinin keçdiyi ərazilərdə dayaqlar basdırılır.

“Azərişıq” İnvestisiya Proqramına uyğun olaraq paralel şəkil­də bütün regionlarda yenidənqurma və əsaslı təmir işlərini davam etdirir. Bölgələrdə elektrik təsərrüfatının yenilənməsi abonentlə­rin dayanıqlı, fasiləsiz elektrik enerjisi ilə təmin olunması, habelə elektrik enerjisi itkilərinin minimuma endirilməsinə hədəflənir.

XQ