“Azərişıq” Açıq Səhmdar Cəmiyyəti regionlarda yenidənqurma işlərini davam etdirir. Hazırda qurum tərəfindən Bərdə şəhərinin elektrik təsərrüfatında bir sıra yenidənqurma işləri aparılır.

“Azərişıq”dan XQ-yə verilən məlumata görə, aparılan yenidənqurma işləri çərçivəsində rayonun mərkəzi küçə və məhəllələri ilə yanaşı, kəndlərdə də köhnəlmiş elektrik şə­bəkəsi yenisi ilə əvəzlənir. Ötən müddətdə rayonun Mus­tafaağalı, Arabaçılar, Qaratəpə kəndlərində yeni sayğaclar quraşdırılıb, müasir standartlara cavab verən 60 kilometrə yaxın izolyasiyalı elektrik xətti çəkilib.

Bununla yanaşı, adı çəkilən kəndlərdə 0,4 və 10 kV-luq köhnə dayaqlar yeni metal dayaqlarla əvəz edilib. Abonent­lərin fasiləsiz və davamlı elektrik enerjisi ilə təmin olunması məqsədilə Mustafaağalı, Arabaçılar və Qaratəpə kəndlərində yeni 16 ədəd transformator da quraşdırılıb.

Qeyd edək ki, sözügedən kəndlərdə elektrik xətləri ötən əsrin 50-60-cı illərindən istismar edildiyi üçün elektrik ener­jisinin verilişində bir sıra çətinliklər yaranırdı. Mustafaağa­lı, Arabaçılar və Qaratəpə kəndlərində yenidənqurma işləri başa çatdıqdan sonra, ümumilikdə, 1000-ə qədər abonent fasiləsiz və dayanıqlı elektrik enerjisi ilə təmin olunacaq.

XQ