İqtisadiyyat Nazirliyinin yaydığı məlumatda Azərbaycanda investisiya təşviqi sənədinin alınması üçün tələblərin yumşaldıldığı bildirilib. Bununla bağlı qurumun kollegiyasında “İnvestisiya təşviqi sənədinin alınması üçün ərizənin forması”nda dəyişiklik edilib.
Nazir Mikayıl Cabbarovun imzaladığı yeni qərara əsasən, bundan sonra sahibkarlara investisiya təşviqi sənədinin verilməsi üçün onların vergi ödəyicisi kimi uçota alınmaları haqqında şəhadətnamənin surəti tələb edilməyəcək.
Nazirliyin hüquq şöbəsinə adıçəkilən bu qərarın Hüquqi Aktların Dövlət Reyestrinə daxil olunması üçün Ədliyyə Nazirliyinə təqdim edilməsi tapşırılıb.
XQ