Azərbaycanın beynəlxalq daşımalarda iştirak edən nəqliyyat vasitələrinin sayı 5 dəfə artaraq 11 min 960-a çatıb.
Bunu “Azərbaycan Beynəlxalq Avtomobil Daşıyıcıları Assosiasiyası” İctimai Birliyinin baş katibi vəzifəsini icra edən Kənan Qurbanov qurumun 2023-cü ildəki fəaliyyətinin yekunlarına həsr edilmiş tədbirdə bildirib. Onun sözlərinə görə, 2021-ci ildə bu göstərici 2400 səviyyəsində olub. 2023-cü ildə Azərbaycandan 11 965 nəqliyyat vasitəsi beynəlxalq avtomobil daşımalarında iştirak edib.
ABADA rəsmisi, həmçinin deyib ki, bu il milli daşıyıcıların beynəlxalq bazarlarda payı 2022-ci illə müqayisədə 9 faiz bəndi artıb. Bundan əlavə, 3-cü ölkə daşımaları üzrə göstəricilərdə də 2 dəfə artım qeydə alınıb.
Yük axınlarının davamlı olması məqsədilə tədbirlərin görülməsinin vacibliyini vurğulayan baş katib bildirib ki, bu il Azərbaycanda daşıyıcılara 1235 ədəd “TİR karnet” kitabçası verilib. Bu da yüklərin sərhəd-keçid məntəqələrində açılmaması üçün imkan yaradıb. K. Qurbanovun sözlərinə görə, 2023-cü ildə 1305 daşıyıcı və 178 operatorun məsul şəxsi beynəlxalq daşımalara dair təlimə və tədrisə cəlb edilib, onlara şəhadətnamə verilib.
XQ