Azərbaycan Dövlət Neft Şirkəti (SOCAR) Özbəkistanın Qaşqadərya vilayətində kimyəvi məhsul və neft-qaz avadanlığının istehsalını həyata keçirən müəssisə inşa edəcək. 

Bu məsələ “Uzbekneftgaz” Səhm­dar Cəmiyyətinin nümayəndələrinin SOCAR-ın“Neftqazelmitədqiqatlayihə" İnstitutuna işgüzar səfəri zamanı mü­zakirə olunub. “Uzbekneftgaz”ın nü­mayəndələri səfər çərçivəsində qazma və tamponaj məhlulları üzrə beynəlxalq sertifikat əsasında akkreditasiya olun­muş sınaq laboratoriyalarının fəaliyyəti ilə də tanış olublar. 

Özbəkistan şirkətinin yadığı məlu­mata əsasən, “Neftqazelmitədqiqatla­yihə” İnstitutu ilə birgə layihə çərçivə­sində SOCAR Özbəkistanda da bənzər müəssisə inşa etməyi planlaşdırır. Bun­dan başqa, şirkətlər, həmçinin, quyula­rın əsaslı təmiri üçün avadanlığın hazır­lanması, eləcə də yataqların işlənməsi və qazma zamanı geniş istifadə olunan qazma və tamponaj məhlulları üçün komponentlərin anbara yığılması və bö­lüşdürülməsi üzrə xidmətlərin göstəril­məsi məsələlərini nəzərdən keçirəcək. Qeyd olunub ki, danışıqların yekunla­rına əsasən, elmi infrastrukturun yara­dılması üzrə layihənin icrasının növbəti mərhələləri ilə əlaqədar məsələlər razı­laşdırılacaq.

XQ