Dövlət Gömrük Komitəsinin hesablamalarına görə, 2023-cü ilin yanvar–sentyabr aylarında Azərbaycanla MDB ölkələri arasında ticarət dövriyyəsinin dəyəri 4 milyard 735 milyon dolları təşkil edib.
Bu göstərici ötən ilin eyni dövrü ilə müqayisədə 12,4 faiz və ya 524 milyon 129 min dollar çoxdur. Ötən ilin yanvar-sentyabr aylarında Azərbaycanla MDB ölkələri arasında ticarət dövriyyəsinin dəyəri isə 4 milyard 210 milyon dollar təşkil edib.
Hesabat dövründə MDB ölkələrinə ümumi ixrac illik müqayisədə 1 faiz artaraq 1 milyard 183 milyon dollara, bu dövlətlərdən ümumi idxal isə 16,9 faiz artaraq 3 milyard 551 milyon 84 dollara bərabər olub.
Qeyd edək ki, bu dövrdə MDB ölkələri ilə ticarət əməliyyatları ölkəmizin ümumi ticarət dövriyyəsinin 28,16 faizini təşkil edib.
XQ