Aqrar Subsidiya Şurasının (ASŞ) qərarı ilə muxtar respublikada 1702 kənd təsərrüfatı məhsulları istehsalçısına yazlıq əkin üçün subsidiya verilməsinə başlanılıb.

Bununla bağlı ASŞ-nin iclasında ötən dövrdə yaz əkinləri üçün subsidiya almaq məqsədilə təqdim olunan sənədlərin araşdırılması zamanı bir sıra nöq­sanlara yol verildiyi də diqqətə çatdırılıb. Lakin keçid dövrü nəzərə alınaraq istehsalçıların subsidiyadan məhrum edilməməsi zəruri sayılıb. 

Bildirilib ki, artıq növbəti mövsümdə sənədləri düzgün formalaşdırılmayan, torpaqları analiz edil­məyən təsərrüfat sahiblərinə subsidiyalar verilməyə­cək. Subsidiyalarla bağlı sənədləşdirmə məsələlə­rində bundan sonra rayon, şəhər icra hakimiyyəti orqanları ilə birlikdə Naxçıvan, Şərur və Culfa Regi­onal Dövlət Aqrar İnkişaf mərkəzləri də müvafiq tən­zimləmələr aparacaq, istehsalçılara bu istiqamətdə dəstək göstəriləcək. 

İclasda muxtar respublika üzrə 1702 nəfər kənd təsərrüfatı mahsulları istehsalçısına yaz əkinləri üçün, ümumilikdə, 93 min 927 manat məbləğində subsidiya verilməsi müəyyənləşdirilib.

XQ