Rusiyanın avtomobil istehsalçısı “Sollers” şirkəti 2023-cü ilin payızında Azərbaycanda fəaliyyətə başlayacaq.
Bu barədə Rusiya şirkətinin satış və marketinq direktoru Marat Şarapov məlumat verib. O bildirib ki, şirkət avtomobillərin istehsalını “Azərmaş” Məhdud Məsuliyyətli Cəmiyyətində həyata keçirəcək. “Biz bu yaxınlarda Azərbaycanla əməkdaşlığın inkişafı ilə bağlı müqavilə bağlamışıq. Payızda bu layihənin icrasına başlanacaq. Bu, bizim ilk ixrac bazarımız olacaq”,–deyə şirkət rəhbəri əlavə edib. Onun sözlərinə görə, “Sollers” şirkəti digər ölkələrin bazarlarına da çıxmağı hədəflədiyini yib.
Xatırladaq ki, bu il mayın 19-da “Rusiya-İslam Dünyası: Kazan Forumu” çərçivəsində “Sollers” və “Azərmaş” MMC arasında Azərbaycan Respublikasında “Sollers” yüngül kommersiya avtomobillərinin istehsalı üzrə əməkdaşlıq memorandumu imzalanıb.
“Xalq qəzeti”