İlin sonunadək daha 50 kənd qazlaşdırılacaq
Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin şöbə rəhbəri Teymur Cəfərovun bildirdiyinə görə, cari ilin yanvar-iyul aylarında ölkədə artıq 90-dək yaşayış məntəqəsində paylayıcı və daşıyıcı qaz xətlərinin çəkilməsi işləri davam etdirilib. Bu ilin sonunadək isə daha 50 kəndin qazlaşdırılmasına başlanılması nəzərdə tutulub.
O qeyd edib ki, hazırda ölkə ərazisində qazlaşdırılma səviyyəsi 96,3 faiz təşkil edir. Bu, kifayət qədər yüksək göstəricidir. Amma buna baxmayaraq, növbəti illərdə də qazlaşdırılma işləri davam etdiriləcək. Ümumilikdə, 2023-cü ildə 140 yaşayış sahəsinin qazlaşdırılması həyata keçiriləcək.
“Xalq qəzeti”