Dövlət Vergi Xidmətinin açıqlamasına əsasən, 2023-cü ilin yanvar-iyul aylarında bu qurumun xətti ilə dövlət büdcəsinə 11 milyard 231 milyon manat vergi daxil olub.
Məlumata görə, ötən ilin müvafiq dövrü ilə müqayisədə vergi daxilolmaları 22,9 faiz və ya 2,1 milyard manat artıb.
Qeyri-neft-qaz sektorundan daxilolmalar 6,2 milyard manat təşkil edib. Keçən ilin eyni dövrünə nisbətən bu sektordan vergi daxilolmaları 19 faiz və ya 984 milyon manat çoxalıb.
Ödənilən vergilərin 45,1 faizi neft-qaz, 54,9 faizi isə qeyri-neft-qaz sektorunun payına düşüb.
“Xalq qəzeti”
