2023-cü ilin yekunlarına görə, Azərbaycanda inflyasiyanın 6-7 faizədək azalacağı gözlənilir.
Bunu Mərkəzi Bankın idarə heyətinin sədri Taleh Kazımov uçot dərəcəsi parametrlərində dəyişikliklərə həsr olunmuş mətbuat konfransında deyib. Onun sözlərinə görə, 2024-2025-ci illərdə 4-6 faiz baza göstəricisinin əldə ediləcəyi gözlənilir.
Xatırladaq ki, bu ilin iyun ayında ölkəmizdə inflyasiya əvvəlki ayla müqayisədə 0,9 faiz (10,6 faiz), illik ərzaq inflyasiyası isə 11,5 faizədək azalıb.
“Xalq qəzeti”
