İxracın və İnvestisiyaların Təşviqi Agentliyinin məlumatına əsasən, son 5 ildə ölkəmizin qeyri-neft məhsullarının ixracı 11 milyard ABŞ dollarından çox olub.

Hesabat dövründə qeyri-neft ix­racının ümumi ixracda payı 10 faizə çatıb. Belə bir göstəricinin əldə olun­ması iqtisadiyyatın şaxələndirilməsi və investisiya qoyuluşunun sürətləndiril­məsi, qeyri-neft sektorunun dinamik inkişafının təmin olunması, habelə ix­rac imkanlarının genişləndirilməsi is­tiqamətlərində mühüm tədbirlər həyata keçirilməsinin nəticəsidir. Eyni zaman­da, “Made in Azerbaijan” brendi coğra­fiyasının genişləndirilməsi, məhsulları­mızın bir sıra ölkələrin ticarət evlərində satışa çıxarılması da bu istiqamətdə gerçəkləşdirilən layihələrin bariz ifadə­sidir. 

Yeri gəlmişkən, Prezident İlham Əli­yevin “Qeyri-neft məhsullarının ixracının stimullaşdırılması ilə bağlı əlavə tədbir­lər haqqında” 18 yanvar 2016-cı il tarixli Sərəncamı, “Qeyri-neft məhsullarının ixracının təşviqi ilə bağlı əlavə tədbirlər haqqında” 1 mart 2016-cı il tarixli Fərma­nı və digər hüquqi sənədlər son illərdə respublikamızın qeyri-neft sektorunun inkişafına, eləcə də ixrac potensialının güclənməsinə müsbət təsir göstərib.

“Xalq qəzeti”