2023-cü ilin sonuna qədər Türkiyədə 20-yə yaxın ərazidə 200 yeni neft quyusu qazılacaq. Bu barədə qardaş ölkənin “Türkiye Petrolleri Anonim Ortaqlığı” (TPAO) şirkəti açıqlama yayıb.
Məlumata əsasən, TPAO ilin sonuna qədər ölkədaxili neft istehsalını 76 min bareldən 90 min barelə çatdırmağı nəzərdə tutur. Yeri gəlmişkən, Türkiyənin daxili neft istehsalı son 32 ildə rekord göstəriciyə, 70 min 76 barelə çatıb.
Xatırladaq ki, mayın 2-də Türkiyə Prezidenti Rəcəb Tayyib Ərdoğan ölkənin cənub-şərqindəki Şırnak əyalətinin Cudi və Qabar rayonlarında yeni neft ehtiyatlarının aşkar edildiyini bildirib.
“Xalq qəzeti”