BMT-nin Ərzaq və Kənd Təsərrüfatı Təşkilatı (FAO) Zəngilan rayonunun Ağalı kəndində pilot suvarma sistemlərinin tətbiqi ilə bağlı layihə icra edəcək.

Bu barədə FAO-nun Azərbaycandakı nümayən­dəliyindən məlumat verilib. Məlumatda artıq təsdiq edil­diyi və tezliklə icrasına baş­lanılacaq iki illik layihənin adıçəkilən qurumun texniki yardım proqramı çərçivəsin­də Kənd Təsərrüfatı Nazirli­yinin Aqrar Xidmət Agentliyi tərəfindən reallaşdırılacağı, bu təşəbbüsdən isə 300-ə yaxın fermerin bəhrələnəcəyi vurğulanıb. 

Yeri gəlmişkən, Azərbay­can 1995-ci il oktyabrın 20-də FAO-ya üzv seçiləndən sonra bu təşkilat respublikamızda milli, regional və qlobal xa­rakterli layihələr həyata keçi­rir. Həmin layihələr əsasən, kənd təsərrüfatının inkişafı, ərzaq təhlükəsizliyinin güc­ləndirilməsi, aqrar potensialın artırılması, resursların idarə edilməsi, heyvan və bitki xəstəliklərinə qarşı mübarizə, təchizat və digər müvafiq sahələrdə texniki yardımları nəzərdə tutur. 

FAO-nun respublikamız­dakı layihələri Azərbaycan Hökümətinin prioritetləşdi­rilmiş ehtiyaclarına dair mü­raciətlərinə uyğun olaraq texniki əməkdaşlıq proqram­larına əsaslanır. Azərbaycan Höküməti və FAO 2009-cu ildən etibarən respublikamız­da kənd təsərrüfatının inkişafı sahəsində sözügedən təşkilat tərəfindən mümkün texniki yardımın göstərilməsi məqsə­dilə ölkəmizə yardım proqra­mının hazırlanması prosesini davam etdirir. Bu məqsədlə Azərbaycan üçün FAO-nun milli orta müddətli prioritetlər üzrə çərçivə sənədi hazır­lanaraq müntəzəm surətdə əsas prioritetlərə uyğun ola­raq yenilənir. 

Hazırda FAO və Azər­baycan doqquz prioritet is­tiqamətdə əməkdaşlıq edir. Cari il tərəflər arasında əmək­daşlığın ikinci mərhələsi üçün sənədlərin imzalanması göz­lənilir. 

Xatırladaq ki, FAO-nun əsas məqsədi Azərbaycanda qida məhsullarının və tullantı­ların idarə olunması sahəsin­də layihələrə dəstəyə yönəlib. İndiyədək hər iki tərəf kənd təsərrüfatı sahəsində 60-dan yuxarı birgə layihə reallaş­dırıb, bunun nəticəsində isə respublikamızın bölgələrin­də kənd təsərrüfatı mühiti, o cümlədən, qida təhlükəsizliyi yaxşılaşıb.

“Xalq qəzeti”