Cüdoçularımız 2 qızılla 2-ci yeri tutub 

Azərbaycan Olimpiya koman­dası “Paris-2024”ün ilk həftə­sində möhtəşəm qələbəyə imza ataraq 3 medal qazandı. Eyni idman növündə – ardıcıl ola­raq 2 təmsilçimizin qızıl medal qazanması isə olimpiadalar ta­rixində ilk idi. 

Bununla da, Azərbaycan cüdoçu­ları Paris Yay Olimpiya Oyunlarında tarix yazıblar. Bu, xalqımız üçün əsl cüdo bayramı oldu. Əvvəl Hidayət Heydərov (73 kq), daha sonra Zelim Katsoyevin (+100 kq) böyük usta­lıq nümayiş etdirərək qızıl medal qazanmaları ölkəmizdə bu idman növünün inkişafının bariz nümunə­si idi. Kişilərdən ibarət komandanın digər üzvlərinin də medal qazanmaq üçün yetərincə potensialı var idi. Amma bu mötəbər turnir dörd ildən bir keçirilən ən nüfuzlu idman yarış­larıdır. Dünyanın 122 ölkəsindən ən güclü atletlərin iştirak etdikləri bu yarışda medal qazanmaq, nəinki hər idmançıya, ümumilikdə götürdükdə hər ölkəyə nəsib olmur. Azərbayca­nı yalnız – cüdonun vətəni olan Ya­poniya (3 qızıl, 1 gümüş, 3 bürünc) qabaqlaya bildi. İkinci yerdə 1 qızıl, 2 gümüş, 6 bürünc medalla ev sahibi Fransa qərarlaşdı. Eyni idman nö­vündə 2 qızıl medala sahib olmaq isə idmançılarımızın xüsusi istedadı ilə bağlıdır. 

Bəli, bu gün müstəqil Azərbaycan güclü cüdo məktəbi ilə fəxr edə, qü­rur duya bilər. 

Boksda uğurlu Olimpiada seriyası davam edir 

Azərbaycan boks yığması da uğurlu Olimpiada seriyasını davam etdirir. Yığmamızın üzvü Alfonso Dominqes (92 kq) 1/4 final çərçivə­sində Aybek Oralbayı (Qazaxıstan) məğlub etməklə yarımfinala yüksə­lib. O, bu nəticə ilə azı bürünc medalı təmin edib. Boksçumuz finala vəsiqə uğrunda Enmanuel Reyes Pla (İspa­niya) ilə üz-üzə gələcək. Bu döyüş avqustun 4-də olacaq. Bununla da, rinq ustalarımız ardıcıl 7-ci Olimpi­ya Oyunlarında medal qazanacaqlar. Komandamız “Sidney-2000”dən baş­layaraq bütün Olimpiadalarda medal əldə edib. 

Onu da qeyd edək ki, kişilərdən ibarət boks yığmamız ardıcıl 7 Olim­piya Oyunlarında medal qazanan ye­ganə komandadır. Düzdür, kişi pəh­ləvanlarımız bütün olimpiadalarda mükafat qazanmağa nail olublar. La­kin Atlanta Olimpiadasında və Sid­ney Oyunlarında yunan-Roma, “Afi­na-2004”də sərbəst güləşçilərimiz fəxri kürsüyə yüksələ bilməyiblər. Bu yığmaların heç biri ardıcıl 7 Olimpia­dada mükafat qazanmayıb. 

Ötən olimpiadalarda boksçuları­mız 1-i gümüş, 8-i bürünc olmaqla 9 medal qazanıblar. İndiyədək qızıl me­dal əldə edə bilməyən komandamızın budəfəki hədəfi qızıl medaldır. Özü də, növbəti mükafat sayca 10-cu, yəni yubiley medalı olacaq.