Paraatletika üzrə milli komandamızın üzvü Rüfət Rəfiyev Paris Yay Paralimpiya Oyunlarında iştirak edəcək.
Nüvə itələmə növündə mübarizə aparan idmançımızın yüksək idman nəticələri nəzərə alınaraq Dünya Atletika Federasiyası tərəfindən ona lisenziya verilib.
Bu, idmançımızın iştirak edəcəyi ikinci Paralimpiya Oyunları olacaq. R.Rəfiyev Rio Paralimpiadasında debüt edib.
Paralimpiyaçımız mətbuata açıqlamasında Paralimpiadada yenidən iştirak etməkdən məmnun olduğunu bildirib:
– Bu hissləri yenidən yaşamaq çox xoşdur. Əsas məqsədim Fransanın paytaxtında yaxşı nəticə qazanmaqdır. İndi daha təcrübəliyəm. Məşqlərimi tam sürətlə davam etdirirəm. Vətənimi layiqincə təmsil etməyə çalışacağam.
Qeyd edək ki, “Paris-2024” Yay Paralimpiya Oyunları avqustun 28-dən sentyabrın 8-dək təşkil olunacaq.
L.AZAD
XQ
