Parisdə Yay Olimpiya Oyunlarının məşəli alovlandırılıb. Ənənəyə görə, məşəl antik Yunanıstanda oyunlara evsahibliyi edən Hera məbədində yandırılıb.
Olimpiya məşəli Akropoldan Fransa Polineziyasına qədər səyahət edərək iyulun 26-da Parisdə Oyunların açılış mərasiminə çatdırılacaq.
Tədbirdə Yunanıstan Respublikasının Prezidenti Katerina Sakellaropulu, Beynəlxalq Olimpiya Komitəsinin prezidenti Tomas Bax, Yunanıstan Milli Olimpiya Komitəsinin rəhbəri Spiros Kapralos və digər rəsmi şəxslər iştirak ediblər. Mərasimlə Olimpiya Oyunlarının startına gerisayım başlayıb.
Qeyd edək ki, Olimpiya Oyunları iyulun 26-dan avqustun 11-dək keçiriləcək.
Leyla SABİRQIZI
XQ
