Rumıniyanın paytaxtı Buxarestdə güləş üzrə Avropa çempionatında yarışların ikinci günü yunan-Roma güləşçiləri döşək üzərinə çıxıblar.
Dünən 4 güləşçimiz medallar uğrunda mübarizə aparıb. Soydaşımız Murad Məmmədov (63 kq) finalda Aleksandr Qruşini (Ukrayna) 2:1 hesabı ilə məğlub edərək ilk dəfə Avropa çempionu olub. Rəşad Məmmədov (55 kq) isə Artem Deleyana (Moldova) 3:5 hesabı ilə uduzub.
Bürünc medal üçün güləşən İslam Abbasov (87 kq) Jan Belenyuka (Ukrayna) uduzub – 1:2. Digər bürünc mübarizəsində Beka Kandelaki (130 kq) Oskar Marviki (Norveç) 2:2 hesabı ilə məğlub edərək, Avropa çempionatında 3-cü yeri tutub.
XQ